As klein kindertjies het ons dit baie gedoen: Ons ore toegedruk en mense gekoggel. Ons wil dus ons sê sê, maar nie hoor wat die ander persoon sê nie. Dis gedrag wat pas by klein kindertjies, maar nie van volwassenes verwag word nie.
Tog doen ons as volwassenes dit steeds, maar op ‘n meer subtiele manier, of dalk ook nie so subtiel nie. Ons doen dit ook met God.
Ek is geleer dat as ons Bybel lees, praat God met ons, en as ons bid, praat ons met God. Ja, gebed is ‘n tweerigtinggesprek en jou gebed kan ook ‘n ‘kuier’ met God wees waar jy met Hom praat en jy luister en Hy jou antwoord. As jy egter altyd net bid, en nooit Bybel lees nie, is dit soos daardie kindjie wat sy ore toedruk en praat en praat en praat. Jy wil jóú sê sê, maar wil nie luister wat God vir jou wil sê nie. (Ek praat nou nie van deur die dag kommunikeer met God, of ‘n skietgebedjie hier en daar nie.)
Tipiese voorbeelde waaraan ek nou kan dink, is dat jy in ‘n sleg gesprek met iemand is. Jy wil jou steke steek, jou mond uitspoel, die ander persoon beledig, maar nadat jy jou prate gepraat het, glip jy weg en gee nie die ander persoon die geleentheid om ook te praat nie.
Of jy blok die persoon op jou whattsapp. Jou bytende boodskappe gaan deur, maar die ander persoon kan nie goeie, of slegte boodskappe deurstuur nie. Jy besluit eintlik by voorbaat dat die ander persoon jou gaan terugkap, terwyl hy dalk nie eers van plan is om dit te doen nie! Terwyl die ander persoon hom alreeds onttrek het van die gesprek!
Kommunikasie is ‘n kuns en dit werk nie altyd soos die slim mense sê nie. Tog kan dit aangeleer word en kan dit verbeter en verdiep soos ons ouer raak. Ons kan meer volwasse raak in ons kommunikasiemaniere. Dis te sê, as ons wil.
Of ons kan besluit om klein te bly wat kommunikasie aanbetref, ons skerp tonge te gebruik en ons ore toe te druk, nes klein kindertjies. Pê wê, wê wê wê.
Groetnis
Toortsie
So waar, Toortsie. Ek het dit veral teen mense, wat nooit ‘n ander persoon ‘n spreekbeurt gee nie. Die opinie word uitgespreek en bla, bla, bla, niemand kry kans om daarop te antwoord nie.
LikeLiked by 1 person
Ek moet waak daarteen, want ek praat maklik.
LikeLiked by 1 person
Ek het ook altyd ‘n opinie wat by my mond uitspring, maar ek hoop darem ek gee die ander persoon ook ‘n beurt om syne uit te spreek.
LikeLiked by 1 person
Ek hoop ook, wat my aanbetref, so, dat ek maklik praat, maar ook gewillig sal wees om te luister.
LikeLiked by 1 person
Ek leer nog daagliks oor kommunikasie, dit bly maar ń voordurende proses.
LikeLiked by 1 person
En ek trap alewig in die klei!
LikeLike
…en twee monoloë maak steeds nie ‘n dialoog nie
LikeLiked by 1 person
Ongelukkig nie.
LikeLike
Kommunikasie is regtig nie my ding nie. Daar is geen wag wat wil bly staan voor my mond nie. Daarom verkies ek oor die algemeen om net te luister. Ek is te geneig om die verkeerde ding te se.
LikeLike
Olga, ek wonder of ek nie minder doute gemaak het toe ek nog sommer laat loop hetet die woorde nie. Nou is ek versigtig en trap steeds op baie tone.
LikeLike