Skryf ‘n opstel: Om goed te doen aan ander

~ Toortsie

Wat ‘n lekker onderwerp, want dit is mos lekker om goed te doen vir iemand anders.

Jy kan hierdie opstel op ‘n paar maniere benader.

Eerstens kan jy in die algemeen skryf oor hoe lekker dit is om goed te doen vir ander mense. Vertel wat dit vir jou beteken, die hupstoot wat jy daaruit kry, die gevoel van vergenoegdheid.

Die lekker as jy die vreugde of dankbaarheid in die ander persoon se oë sien. Wat dit dalk vir die ander persoon beteken, hoe dit hom help.

Jy kan ook vertel van ‘n keer wat jy vir iemand gehelp het. Wat het jy gedoen? Was dit jy alleen, of was jy deel van ‘n groep mense? Wat het dit alles behels? Was dit ‘n eenmalige gebeurtenis, of is dit iets wat jy op ‘n gereelde basis doen? Hoe het dit gekom dat jy dit begin doen het? Wat is die uitvloeisel daarvan, byvoorbeeld, het jy nou al ander ook sover gekry om ook goed te wees vir ander? Doen hulle dieselfe as jy, of doen hulle iets heeltemal anders? Wat doen hulle?

Of jy kan iets goeds wat jy nog wil doen, beplan en beskryf. Wat beplan jy om te doen? Vir wie? Wanneer wil jy dit doen? Gaan jy dit alleen doen, of gaan julle in ‘n groep? Neem jy die leiding, of is daar ‘n ander leier en jy gaan net saam? Vertel die detail, in klein besonderhede.

Terwyl jy dink oor jou opstel, dink aan goed wat ‘n glimlag op jou gesig sit, want om goed te doen vir iemand, sit ‘n glimlag op jou gesig. Skryf jou storie soos jy dit vir jou beste maat of jou ouma sal vertel. Wees opgewonde daaroor, dan sal jy sommer lekker skryf ook. Die belangrikste, skryf jou storie self, hierdie is jou beurt. Jou ma het haar beurt jare gelede gehad. Geniet dit, dis jóú storie!

Groetnis

Toortsie

Gepubliseer deur Toortsie

'n Flitsliggie wat oral inskyn, ook waar dit soms ongemaklik is... A Flashlight whose light shines everywhere, even on places where it is not so comfortable.

24 thoughts on “Skryf ‘n opstel: Om goed te doen aan ander”

    1. Ek was in die koshuis, so ek moes maar self voortsukkel. Een keer het my ma vir my ‘n eng brief geskryf, waarop die onserwyser vir my gesê het, ek moet vir my ma sê sy het goed geskryf. Oeps. Deesdae is dit, klink my, ‘n algemene ding dat die mammas baie help.

      Liked by 1 person

      Antwoord

      1. Toorts hulle toesprake, opstelle take was net te lekker om my neus daar uit te hou. Jay kom een middag by die huis en sê vir my “Mamma het vandag ‘n “excellent Jay” vir die Engelse speach gekry.” Ag ek weet dis nie reg nie… maar my kinders was my ewig dankbaar… en hulle het ok uitgedraai.

        Liked by 1 person

        Antwoord

        1. Ag, ek is nou al oor daai moeilikheid. Om die waarheid te sê, ek het gedink ek moet begin skooltake vir betaling doen. My dogter was in haar sokkies geskok in my! 😂 Nou skryf ek maar opstelraad, wat ek twyfel of die mammas oor bly is!

          Liked by 1 person

          Antwoord

          1. Ek dink juis die ma’s is bly. Vandag werk pa en ma en die laaste ding wat ‘n ma nog wil doen is opstelle en take. Marlé sit tot oggendure en werk aam die twee seuns se goed. Nou probeer ek keer en sê hulle moet dit self doen…. maar sy is so ‘n perfektionis dat ‘n ding net ordentlik is as sy dit gedoen het.

            Like

            Antwoord

Gesels saam, asseblief!

Verskaf jou besonderhede hieronder of klik op 'n logo om in te teken:

Gravatar
WordPress.com Logo

Jy lewer kommentaar met jou rekening by WordPress.com. ( Log Out /  Verander )

Google photo

Jy lewer kommentaar met jou rekening by Google. ( Log Out /  Verander )

Twitter picture

Jy lewer kommentaar met jou rekening by Twitter. ( Log Out /  Verander )

Facebook photo

Jy lewer kommentaar met jou rekening by Facebook. ( Log Out /  Verander )

Kanselleer

Connecting to %s