Toe ek Dinsdag vertrek by die huis op pad na die Wéreld Koor Olimpiese Spele in Pretoria, hoor ek op RSG dat daar twee groot goed gebeur het in die einste stad waar die musiek gebeur: Daar het ‘n vliegtuig geval en ‘n kragstasie uitgebrand.
Ons gasheer vir die week laat weet ons om asseblief ligte saam te bring, hulle krag is ook af.
Ons het vir ons ‘n kleine karretjie gehuur op Johannesburg Lughawe, waarmee ons Pretoria platgery het. Die krag was nie vir ons so ‘n groot probleem soos wat dit vir ons gasheer en -vrou was nie. Húlle moes planne maak met die kos wat in die ys- en vrieskas was. Om die waarheid te sê, hulle was só gasvry selfs ten spyte van die ongemaklike omstandighede.
Ons was natuurlik absoluut afhanklik van ons selfone om ons te beduie waar ons moet ry, ons ken nie Pretoria nie! Oupa probeer beduie, maar dit maak vir ons net nie sin nie, veral nie as die óú straatname gebruik word nie. 🙂
En dis net mooi dáár wat die uitdaging toe lê: Die karretjie se punt waar jy die kabel moet indruk vir die laaiwerk, werk nie. Ons kan nie ons fone laai nie! En deesdae se slimfone werk mos eintlik net ‘n dag as jy mooi met hulle werk, soms selfs korter.
Ons gebruik ons fone minimaal, sit dit af as ons dit nie gebruik nie, doen net die nodigste, maar ongelukkig hou slimfoonbatterye steeds net só lank en niks langer nie.
Ons koop ‘n nuwe sigaretaanstekerlaaier, en die verkoopsman wil weet, wil ons ‘n so-so een hê of ‘n goeie een. So-so sal werk, ons het dit mos net vir twee dae nodig, die prys is R100 teenoor R600.
Wel, so-so het darem vir daardie middag gewerk!
Die laaste dag is die kragte van die fone min en ons weet nie of ons ons pad sal kan vind na die koorlokaal én lughawe toe nie.
Ek sien in die universiteitsgebou ‘n kragprop en net daar gaan sit ons op die vloer om ons fone ‘n bietjie te laai. My driepuntprop is in my handsak, maar helaas het iemand my goeie een op ‘n stadium gebruik en is hierdie een net ‘n Chinese namaaksel. Die fone laai wel ‘n bietjie en weg is ons!
Ons hét die lughawe gehaal. Net-net, maar darem! 🙂
My dogter is regtig oulik, julle, sy het later die paaie geken! Ek het nie, ek het mos net saamgery.
Gisteraand was die krag blykbaar steeds af. Arme mense!
Groete
Toortsie
toortsie.com 
Gelukkig is jy mos ‘n toortsie wat die donkerte om jou verdryf.
LikeLiked by 1 person
Jong! Ons batterytjies het net-net gehou.
LikeLiked by 1 person
My oë was ook groot toe ek so van die krag krises hoor. Te dankbaar dat ons dit gespaar is.
LikeLiked by 1 person
Dit moet verskriklik erg vir daardie mense wees. Dis nou al dae.
LikeLike
Ik hou mijn hart vast als zoiets hier in België zou gebeuren.
Hier wwerkt “alles”, maar dan ook “alles” op electriciteit.
Dat wil zggen als de eltriciteit uitvalt er ook “niets” meer werkt.
Hopelijk worden de problemen daar bij jullie snel opgelost.
Groetjes van uit België
Theo Herbots
LikeLike
Nee wat, dis nou beslis baie ongemaklik om vir dae geen krag te he nie. n Kragopwekker is ook nou nie die beste nie maar dit kan darem die kos warm maak. Wat is die oorsaak van die onderbreking? Omdat dit winter is?
LikeLike
Ek mag nou dalk verkeerde terme gebruik, maar ‘n substasie het afgebrand. Dit was reeds Dinsdag. Volgens die nuus is die krag steeds af. Sondagnag. Die arme mense!
LikeLike
Ai dis sleg en klink nie of daar sommer herstelwerk gaan wees nie.
LikeLiked by 1 person
Klink my die pret raak al hoe erger by die dag!
Sterkte!! 😉
LikeLike
Gelukkig het ek mos net vir 2 dae daar gekuier. Ek dink dit moet verskriklik erg wees vir die mense wat daar bly.
LikeLiked by 1 person
Baie dankie vir jou kosbare hulp met die skryf van opstelle. Dis een van die grootste uitdagings waarmee ek sit met my Gr 7s . Ons begin more reeds volstoom werk daaraan. Ek is sooo bly ek het op jou blad afgekom in my soeke na hulp! Doen so voort dierbare mens. Jy het my kiertsregop en baie opgewonde.
LikeLiked by 1 person
Regtig? 😱😀😊 Baie dankie. Dit voel of ek so in die donker tas en wonder of ek nie eerder ‘n krater van myself maak nie. Maar baie baie dankie.
LikeLike
Nie eers geweet julle het kragloos hier in ons wêreld rondgerits nie. Nou het jy iets vir jou boek vol herhinneringe. Het alles glad verloop was daar nie ‘n storie nie. Dis ‘n pyn sonder krag!!!!
LikeLiked by 1 person
Ek sê ook altyd dat as daar nie iets gebeur het nie, het ek niks gehad om te vertel nie. Is jou krag ook af?
LikeLiked by 1 person
Nee gelukkig nie. Maar my seun en my dogter hulle se krag was af. Hulle kom toe laptops en al hier aan om verder te werk.
LikeLike
Krag steeds af.
LikeLike
Nee ek dink hulle is nou ok.
LikeLike
Ek het netnou met die tannie gepraat by wie ek gebly het. Hul krag is steeds af. Sjoe! Dis erg.
LikeLiked by 1 person
In watter area bly sy?
LikeLike
Dit was gisteraand. Nou kan ek nie onthou wat daardie area se naam is nie.
LikeLiked by 1 person
Hierdie naweek is dit juis so ontsettend koud. Ek is bly dis ons gespaar…het vyf jaar terug ook hier gebeur. Die substasie het afgebrand en die mense was drie weke lank sonder krag, ook in bitterkoue!Gelukkig was ons op ‘n ander lyn , maar ek moes vriende help om vleis te stoor en met warm storte ens.
LikeLike
So bly jul is okay. Is die krag al aan?
LikeLiked by 1 person
Blykbaar wel.
LikeLike