Die opregte, amper oordadige, vriendelikheid van die personeel van die Mjejane oord het my keer op keer aangegryp, ek kan nie anders as om erkenning vir hulle te gee nie.
Sommer by die hek verseker hulle ons: We are here for you.
Elke persoon by wie ons verbyry, stop waarmee hy besig is, en waai vriendelik.
Dit laat my so dink aan toe ons destyds die John Deere fabrieke in Amerika besoek het. As ons op die waentjie agter die trekkertjie deur die fabriek gery het, het elke persoon, soos ons by hulle verby ry, ‘n oomblik opgekyk, geglimlag en sy hand gelig.
Erkentlikheid. Ordentlikheid. Opregtheid. Hierdie mense op die waentjie is ons kliënte en ons respekteer hulle daarvoor. En dís dieselfde erkentlikheid wat ek by Mjejane ervaar het.
Ook in die lieflike eetplekke in Komatiepoort en by die vrugtestalletjie in Barberton.
As ek die opregte wedersydse vriendelikheid ervaar, kan ek nie help om te wonder waar die rassehaat is waarvan ons so baie hoor nie. Ja, ek weet dis daar, maar die teendeel is net so verskriklik lekker. Weerskante.
Groete
Toortsie
toortsie.com 
Ek verstaan ook nie al die haat nie, Toortsie, want dit wat jy hier beskryf, ervaar ek meeste van die tyd.
LikeLike
Maar hier by St Lucia sien ek die merke van verlede week se onluste langs die N2. Die realiteit is ook maar daar. Ai dis jammer.
LikeLiked by 1 person
Mense raak maklik opgesweep en het ook nie altyd die feite reg nie.
LikeLike
Soms wonder ek of daar enigsins feite betrokke is. 😱
LikeLiked by 1 person
Vandag in Hlehluwe was die mense weer net so vriendelik.
LikeLiked by 1 person
So wan en dan kry ek met ‘n onvriendelike mens te doen, maar oor die algemeen groet, gesels en lag ons lekker.
LikeLiked by 1 person
Dis my ervaring ook.
LikeLike