Een dag, nie te lank gelede nie, stap ek in ons dorp se Checkers verby ‘n ma en haar dogter. Ek hoor net terloops dat die dogter sê dat hulle seker op RSG van een of ander produk gepraat het, nou is dit uitverkoop.
En ja, ek noem RSG ons universiteit. Destyds was die VLV mos bekend as die universiteit van die platteland. Ek wonder hoeveel mense leer sommer baie dinge net deur na RSG te luister.
So gaan lê ek saans met kasteroliewattetjies op my oë, danksy Antoinette Pienaar en Amoré Bekker se lekker geselsies en het ek vir lank met ‘n aartappel in die bed geslaap. Dalk moet ek dit weer begin doen en sal ek minder rugpyn kry!
Oor die effek van radio: ‘n Dag of wat gelede hoor ek toevallig dat Amoré praat van iemand wat gaan kom praat oor spekbome en spekboomresepte. Ek het ongelukkig nie die regte praatjie gehoor nie, maar ek het die effek daarvan gevoel! Kan jy nou meer!
Jare gelede het ek ‘n bloginskrywing oor spekbome gemaak. Hoeveel mense het natuurlik by tannie Google gaan probeer kers opsteek ná hierdie praatjie op RSG en by Toortsie se spekboomstorie uitgekom! 😁
By die soekenjinskakels is ook net spekboom in alle vorme, niks opstelle of moedeloosheid of ander nare goed wat ek nie wil noem nie!
Wel dankie, RSG, sonder dat julle dit besef, skop julle sommer lewe in ou Toortsie se blog!
Groetnis
Toortsie
Toortsie by Finesse: Verrassend anders
Toortsie se Facebook Page
Toortsie se Bantingresepteboeke Facebook page
TPM Transformasie Gebedsbediening Bredasdorp en Riversdal Facebook Page
Toortsie’s English Blog Posts
Kruinsig Plaasakkommodasie, Riversdal
Toortsie by Finesse voelgoed tydskrif
Radio Tygerberg resensie
Ons luister net Rsg- sit nooit meer eers die tv aan nie want Rsg het saans die mooiste musiek en die interessantste programme!
LikeLiked by 1 person
Ek luister ook graag RSG. Dit hou jou op hoogte van die belangrikste nuus, maar jy word nie oorval met al die nare goed wat in die land gebeur nie. Die gesprekke is ook opbouend en jy voel altyd goed as jy geluister het. (Ek luister meer in die namiddag as in die oggend, so dan is dit regtig kuierprogramme.)
LikeLiked by 1 person
Saans is dit weer kuns en musiek. Heerlik!
LikeLiked by 1 person
Wys net, dat mens se skryfsels nooit verdwyn nie. Iemand gaan dit iewers raakgoogle!
LikeLiked by 1 person
Ou tannie Google is regtig ‘n staatmaker. Of is sy ‘n hupse jongmeisie?
LikeLiked by 1 person
😄
LikeLike
My radio is permanent op RSG. Ek geniet vir Amore en Antoinette sommer baie.
LikeLike
Altyd lekker geselskap. Positief en opbouend.
LikeLiked by 1 person
Gratis publisiteit, dis nou te lekker, Toortsie. Ek gaan ook gou by jou spekboomstorie inloer.
LikeLiked by 1 person
Omtrent gratis publisiteit! Wie kan daaroor kla?
LikeLiked by 1 person
Ek mis RSG hier waar ek in Kanada kuier, dis voorwaar ń goeie inligtingskanaal. Leer so baie.
LikeLiked by 1 person