Vergun my asseblief die geleentheid om ‘n bietjie opgewonde te wees oor my dorp. Ja, ook ons dorp het, net soos ander dorpe, ook sy ongemaklikhede, maar ek is trots op my dorp.
Bredasdorp is bekend as ‘n ‘omgeedorp’ en ons doen dit op verskillende maniere. Ons is betrokke by baie uitreikaksies, in ons dorp, in ons land en ook internasionaal. Hier is baie verskillende denominasies van kerke en dis een van die dinge waaroor ek baie opgewonde is, dat hier samewerking tussen soveel van die verskillende kerke is.
Ons het pas ‘n Christusfees gehad, wat interkerklik is, wat ‘n uitreikgeleentheid in die dorp en omgewing is, wat weer baie goed afgeloop is. Dit is afgesluit met ‘n interkerklike feesdiens in die NG Kerk gebou, en sjoe!, wat ‘n voorreg was dit nie om daar te kon wees nie. Die welbekende Riekert Botha was die spreker, maar saam met hom was Joseph Mgeni van die Bet-El gemeente. Die orkes was, as ek reg is, van die AGS kerk. As ek rondgekyk het, het ek sommer naby aan my die VGK, die NG Kerk en nog ander kerke se predikers gesien. Wat ‘n genade! Saam as dorp het ons die Here geloof.
God is hier teenwoordig.
Die opeenvolgende week het ons Pinkster gehad, wat ek ongelukkig nie kon bywoon nie, Ek weet dat dit ook ‘n geseënde week sou wees. Die Pinksterweek is afgeluit met die Pinksterfees, wat by ons ‘n ekstra spesiale fees was, omdat daar ‘n baie groot mylpaal bereik is: Daardie dag is die VGK en die NGK amptelik saamgevoeg tot een saamgevoegde gemeente. Ek is regtig trots hierop, dis iets waaraan ons nou al vir baie jare werk. Dit is ‘n groot stap in ons pad na eenwording. Ek glo regtig dat, elke keer wat ons ‘n nuwe kerkie stig, afstig, wegbreek, ons die Koninkryk in nog kleiner stukkies knip, maar wanneer ons dit regkry om saam te werk, ons soveel meer bereik. Jan Fielies het so mooi hieroor geskryf. Ons vier dit dat ons eenheid nie in ons eendersheid lê nie, maar juis in ons andersheid, aldus Jan Fielies.
(Foto geleen op Facebook: Die Bredasdorp Gemeente)
Die feestelikheid duur voort en vandag was dit die voorstelling van ons lidmate en die doop van ‘n nuwe bekeerling. Daar is rede om fees te vier!
Ja, ons het nog ver om te gaan, maar as ek terugkyk, kyk ek met dankbaarheid en sien hoe ons reeds gegroei het, hoe ver ons reeds beweeg het, in afhanklikheid van God. Ek is trots en dankbaar om deel van Die Bredasdorp Gemeente van die NG Kerk en die VG Kerk te wees.
Groetnis
Toortsie
Toortsie by Finesse: Verrassend anders
Toortsie se Facebook Page
Toortsie se Bantingresepteboeke Facebook page
TPM Transformasie Gebedsbediening Bredasdorp en Riversdal Facebook Page
Toortsie’s English Blog Posts
Kruinsig Plaasakkommodasie, Riversdal
Toortsie by Finesse voelgoed tydskrif
Radio Tygerberg resensie
toortsie.com 
Altyd goed as kerke saam kan staan. Eintlik is dit hoogtyd…. saam is ons ‘n formidibale (spelling) eenheid teen die vyand…. maar so in stukkies gebreek baie kwesbaar.
LikeLiked by 1 person
Ja. Die vyand is die duiwel, nie die ander denominasie nie, en dit gaan oor God, nie oor my nie: Oor wat ek kan bydra in die kerk, nie wat ek daar kry nie.
LikeLiked by 1 person
Jammer ons moes dit mis. Dit is so lekker as almal saam is en die kerk so lekker vol!
LikeLiked by 1 person
Dit was lekker
LikeLike
Toortsie, jy sal onthou ons het Desember heelwat tyd in Bredasdorp spandeer terwyl daar aan ons sleepwaentjie gewerk het, en ek kan twee dinge beaam: 1) Die NG Kerk daar is n pragtige, gewyde gebou, en 2) jy gaan laaaaank soek om nog n dorp met sulke warme omgee mense, van alle kulture, kleure en geure, te kry as wat ons oor daardie 3 dae daar teegekom het.
LikeLiked by 1 person
Dankie. Ek is sooo bly dat dit jou ervaring was. Dit kon so maklik andersom gewees het. 😁
LikeLiked by 1 person
Jy maak my net meer gedetermineerd om eendag ñ draai in julle dorp te kom maak!
LikeLiked by 1 person
Jy moet kom dan komslaap jy by ons.
LikeLiked by 1 person
Kyk, jy sal my defnitief sien as ek dié kant toe kom.xx
LikeLiked by 1 person