Teedrinkery

Die laaste jare op die plaas het ek baie vereensaam toe my beste vriendin buurvrou geskei het en weggetrek het, my dogter na ‘n buurdorp se skool is, ek so besig was met die administrasiewerk, en, en, en …

Nou woon ons kamtig op die dorp, maar eintlik is ons omtrent nooit hier nie.

Toe ons dorp toe getrek het, het ek my voorgeneem om, as ek hier is, dít by te woon wat die dorp aanbied, om sodoende weer die bande op te tel.

‘n Week wat ek toe by die huis bly, laat weet ek ‘n klompie vriendinne dat ek graag saam met elkeen van hulle tee wil drink in die week. Toevallig wil ‘n paar van dié wat ek gewhattsapp het, ‘n praatjie bywoon van ‘n ánder vriendin oor persoonlikheidstipes en ons besluit om dit sommer een geleentheid te maak.

Só het die ‘teedrinkers’ ontstaan, omdat ék lus het vir tee! En gesels natuurlik.

Wanneer ek dan wel die week by die huis is, een keer per maand of twee, laat weet ek net dat daar tee gedrink gaan word.

Vandag het almal sommer kom vertel van hulle #Imagine-ervaring en ek het vertel van TPM, ander het ander getuienisse gehad en intussen het ons … tee gedrink natuurlik.

Tog te lekker gesellig en ontspanne en opbouend en glad nie ‘n geskinder. Wat meer wil jy hê?

Groetnis

Toortsie

Toortsie by Finesse: Op die spore van die meesters met Uber

Toortsie se Facebook Page

Toortsie se Bantingresepteboeke Facebook page

Toortsie’s English Blog Posts

Kruinsig Plaasakkommodasie, Riversdal

Toortsie by Finesse voelgoed tydskrif