Sonell vra, wat sal jy eendag, as jy in die sonnetjie op die stoep sit, graag wil onthou? Ek wil dit graag uitbrei: Hoe sal ek graag wil hê mense moet my onthou?
Ek hoop my onthoue werk nog die dag as ek daar in die ouetehuis sit, dat die herinneringe wat ek opgebou het, nie verlore is teen daardie tyd nie.
Ek wil onthou dat ek my beste gedoen het, in wat ek ookal gedoen het. (Beslis nie in my studies destyds op universiteit nie, maar wel later in my lewe.) Ek wil lag oor die foute wat ek gemaak het, die flops, en bly wees oor dit wat ek wel reggekry het, eerder as om te sit en dink: hoekom het ek nie dit of dat gedoen nie.
Ek wil met vreugde aan my kinders en kleinkinders dink.
Wat my geloof aanbetref, wil ek soos Paulus sê: Ek het my bes gedoen. Ek het die wedloop voltooi, die wenstreep behaal. Ek het Jesus gesoek en ja, ek hét Hom gevind. Hy was my metgesel vir die grootste deel van my lewe. En juis daar sal ek dan aan die goue draadjie wil dink, hoe ek Sy Hand orals, deur goeie en swaar tye, kan sien.
Ag, ek wil nie ‘n oumens wees wat sit en kla nie. Ek hoop ek kan een dag met vreugde terugkyk, dat ek selfs daar in die ouetehuis vir mense hoop sal bring.
En mag ek tog al my rondritsery oor die wêreld onthou, lag vir wat ons alles aangevang het, hoe bang ek soms was, hoe waaghalsig soms. Mag ek met ‘n glimlag op my gesig sit en hekel.
Groetnis
Toortsie
Toortsie by Finesse: Op die spore van die meesters met Uber
Toortsie se Facebook Page
Toortsie se Bantingresepteboeke Facebook page
Toortsie’s English Blog Posts
Kruinsig Plaasakkommodasie, Riversdal
Toortsie by Finesse voelgoed tydskrif
So mooi gesê. Ek hou van hoe sal mense my onthou. Dit laat ons besef dat ons elke dag moet bewus wees daarvan om ons getuienis uit te leef.
LikeLiked by 2 people
Dankie
LikeLiked by 1 person
Mooi Toorts! Ek glo mense sal jou so onthou.
LikeLiked by 1 person
Hoop so! 😁
LikeLike
Wat ń mooi getuigskrif sal jy eendag agterlaat, Toortsie.
LikeLiked by 2 people
Hoop so. Doen my bes, maar maak baie foute.
LikeLike
Dit klink vir my reg en onthou, dis juos die foute wat die beste herinneringe is – dis lekker om soms vir jouself te sit en lag.
LikeLiked by 1 person
En ons KAN vir mekaar én onsself lag. Ek glo nog altyd dit was ons familie se redding deur die grootste krisisse, daar was altyd iets waaroor ons kon lag ook.
LikeLiked by 1 person
Dis beslis n goeie vooruitsig om nog te kanterugdink aan die lekker. Mens moet maar jou brein oefen solank jy kan. Lees, Werk, redeneer en bly aktief is goeie kos vir die brein.
LikeLiked by 1 person
Ek probeer, maar dan dink ek altyd aan my wiskunde onnie wat baie slim en aktief was en tog Altzheimers gekry het. My onthou is juis nie aldag so lekker nie, maar dis dalk eerder agv loskopheid.
LikeLike
Hoe meer mens het om te moet onthou hoe minder onthou mens. Ek voel mens moet konsentreer op belagrike dinge en nie sommer klomp nonsies nie. My skryf tannie is 93 en sy vul steeds blokraaisels in. Praat oor sake van die dag en hou vreeslik daarvan om van al haar wedervaringe te vertel gedurende die oorlog en haar dae toe sy toere na verskillende plekke in die wereld geneem het. Steeds so helder as kan kom.
LikeLiked by 1 person
Daar moet net nie verbittering wees in die terugdink nie… verder is dit lag en trane wat jou lewensprentjie vorm en karakter gee.
LikeLiked by 2 people
Amen
LikeLiked by 1 person