Vir baie mense beteken dit dat as hulle aftree, hul gaan ‘rus’, wat dit ook al beteken.
Ek wil graag aftree. Dís nou wat my ‘amptelike’ werk aanbetref as die administratiewe beampte van ons boerdery. Met die aftrede in gedagte, het ek oor tyd al begin om van my pligte te allokeer na ander mense, op verskillende maniere.
Dis elke keer vir my vreemd as iemand hoor ek wil aftree, en hulle noem dan dat ek wil gaan rus.
Rus? Huh? Hoe bedoel mevrou dan nou? Ek is nog myle ver van RUS af en dis beslis nie hoekom ek wil aftree nie!
O ja, ek sal dalk in die oggend ‘n bietjie later lê, of eerder, later opstaan. Ek sal dalk meer goedjies vind om sommer in my bed af te handel, soos rekenaargoedjies. Dalk kry ek meer kans vir lees, maar die rede hoekom ek wil aftree, is nie om te RUS nie! Ek wil juis LEWE!
Ek het so baie in die lewe wat ek doen en graag wil doen, ek is altyd besig om nuwe goed uit te toets, nuwe dinge aan te leer, myself te ontwikkel deur kursusse, en wat nog alles. Al die jare het ek dit gedoen en het ek tydjies afgeknyp om dit te doen. Die ding is, my werk meng in met my lewe!
So, aftree met die doel om te rus? Nog laaaank nie! Dis te sê, as die die Here se wil is!
Groetnis
Toortsie
Toortsie by Finesse: Op die spore van die meesters met Uber
Toortsie se Facebook Page
Toortsie se Bantingresepteboeke Facebook page
Toortsie’s English Blog Posts
Kruinsig Plaasakkommodasie, Riversdal
Toortsie by Finesse voelgoed tydskrif
Transformation Prayer Ministry: Bredasdorp en Riversdal
toortsie.com 
Daar is Rus en rus en RUS. Elke mens moet dit vir homself uitmaak.
LikeLike
Ja, maar ek sal nie handjies gevou sit nie, want dan sal julle gou-gou nie net my kan huishou nie.
LikeLiked by 1 person
Hehehe gelukkig ken jy jouself!
LikeLike
Jajaaa, hul kan in elk geval nie maklik met my huishou nie, ons moenie dinge moeiliker maak vir die mense nie.
LikeLiked by 1 person
Gelukkig is hulle lief vir jou/ons en verdra dan baie.
LikeLike
Ja wat, hulle moet net!
LikeLiked by 1 person
Jy gaan kort voor lank weer iets begin het. Wat weet ek nog nie…. die tyd sal leer.
LikeLiked by 2 people
Ek los mos een ding en tel 3 nuwes op!
LikeLiked by 1 person
Kameel, dit wat ek optel, moet my net nie so erg bind nie. Orals betrokke, maar nêrens in beheer. 😁
LikeLiked by 1 person
Ek het afgetree, maar dat ek rus, glad nie. Doen dalk meer, wat ek wil en ons ry meer rond, as voorheen, dit is so. As jy meer van die huis af weg is, is daar meer om te doen, as jy terug is. Wat ek voor moeg is, is almal wat vra: Nou wat doen jy, die hele dag?
LikeLiked by 2 people
My man gaan nog nie aftree nie, iemand moet werk ook! Dit gaan my net meer tyd gee om dalk saam met hom op die plaas rond te ry. Ja, ek dink nie mense besef regtig wat iemand anders regtig doen nie.
LikeLike
Ek is nou presies 20 jr afgetree. Nee, geen tyd vir rus nie. n Heerlike interessante lewe so besig dat ek wonder waar het ek tyd gevind vir n voldag werk. Byt vas, Toortsie, die beste jare wag.
LikeLiked by 2 people
Ek hoop dit realiseer vir my ook! 😁
LikeLike
Ons is al vyf jaar afgetree en die dae is hopeloos te kort vir alles wat ons wil doen. Dis sover die beste tyd van my lewe!
LikeLiked by 2 people
Julle maak my opgewonde!
LikeLiked by 2 people
Perdebytjie, nou is ek ook sommer opgewonde! Daar is so baie mense om my wat regtig swaar kry in hierdie ‘afgetrede tyd’, net omdat hulle voel die dae lê eindeloos voor hulle.
LikeLiked by 1 person
Ons mag nie toelaat dat dit met ons gebeur nie.
LikeLiked by 1 person
Gelukkig sal jy altyd iets vind om te doen, Toortsie. Iets opbouends wat die res van ons inspireer.
LikeLiked by 1 person
Netso gaan ek julle nodig hê om my te inspireer.
LikeLiked by 1 person
My doel is ook om af te tree en dan alles te doen wat ek nog wil doen. Weet net nie waar gaan ek al die geld kry om alles te doen nie. Die pensieongeld is ook nie te waffers nie.
LikeLiked by 1 person
Dis die probleem, ja.
LikeLike