Ek is só bly Hester gly nou weer, want tans gly ek nie so lekker nie. Kyk, tegnologie is ‘n wonderlike ding. Solank hy werk. Dán loop alles klopdisselboom. Maar as hy, tegnologie, die dag dikmond raak, as hy sy eie idees in sy kop kry, is dit ‘n ander storie.
Genadiglik glo ek nie aan Name & Shame nie, anders het ek my eie naam darem krater gemaak! Gelukkig was ons internet ook af, so ek kon nie die oorspronklike bloginskrywing publiseer nie.
Ons internet was die afgelope week pateties. Ek het die diensverskaffer allerhande name genoem en die plaasvervangerdiensverskaffer ingevlieg. Eers was dit doodstadig en toe heeltemal dood.
My Microsoft, wat ek hernu het, is afgeskakel. Toe begin ek om die een lêer na die ander na Google Docs oor te dra, net om sonder internet met my hande in die hare te sit.
Vodacom is ook net ‘n asempie, en met Edge is internet ‘n saak van onmoontlikheid.
Toe ontdek ek: Ek het nie regtig Microseft hernu nie en die internet blyk toe ‘n interne foutjie te wees. Kon hul my nie al die eerste keer gesê het toe ek die probleem gerapporteer het nie? Toevallig was hulle juis toe aan die werk aan die netwerk!
Nou ja, nes Hester, dink ek ek gly ook darem weer.
Groetnis
Toortsie
Toortsie by Finesse: Op die spore van die meesters met Uber
Toortsie se Facebook Page
Toortsie se Bantingresepteboeke Facebook page
Toortsie’s English Blog Posts
Kruinsig Plaasakkommodasie, Riversdal
Toortsie by Finesse voelgoed tydskrif
Transformation Prayer Ministry: Bredasdorp en Riversdal
toortsie.com 
Sekondes gelede wonder ek waar jy dan nou so heen verdwyn het, en hier kom jy sowaar aangegly!xxx
LikeLiked by 1 person
Gly-gly op die N2 op pad huis toe terwyl my man die stuurwiel mooi vashou. 😁
LikeLiked by 1 person
☺
LikeLike
Ek is bly jy’s weer trugoppielug. Ag die ou foutjies, jy weet … ek kon nie vandag verstaan hoekom ek nie dokumente kan druk nie. Dit het nogal ‘n rukkie geneem om te besef dat ek nog nie my drukker herinstalleer het op my nuwe laptop nie 😕
LikeLiked by 1 person
Van drukker en inscan wil ek nie eers praat nie!
LikeLiked by 1 person
Ek haat dit om te sukkel en dan weet ek net genoeg om gevaarlik te wees
LikeLike
Ja ek raak sommer moedeloos en praat dan in tale en dis nie eers’n gawe wat ekgekry het om te doen nie!
LikeLiked by 1 person
Hehehehehe dit help niks met dooie dinge ! 🙂
LikeLiked by 1 person
Die goed raak ook so ingewikkeld. Ek is bly jy is weer aan die gang, anders mis jy ook die pret met die voortvlugtiges!
LikeLiked by 1 person
En dit wil ek vir geen geld mis nie, al kan ek dalk net rol in die geld.
LikeLiked by 1 person
Mens kan maar droom!
LikeLiked by 1 person