Gister was weer die dag vir die jaarlikse koeirollcall, en soos almal mos nou al weet, ís dit maar ‘n misserige storie.
Vir dié wat nog nie weet hoe dit werk nie, al die koeie kom staan voor my, ek roep hul nommer uit en die betrokke koei lig haar linkervoorpoot en sê ‘moe’. Daar is natuurlik ‘n nóg makliker manier! Hul stap in gelid, in nommervolgorde by my verby, en ek tiek hulle net een vir een af.
Die realiteit is dat hulle trop vir trop gehaal word, bietjies-bietjies in ‘n drukgang kom, en hul oornommers dan gelees word. Party steek hulle koppe weg, party wil nie saamwerk nie en steek hul regterpote op, die ander doen mooi wat hulle moet. Probleemkoeie word met ‘n blou merker op die rug gemerk, sodat daar weer aan hulle aandag gegee kan word.
Die jong versies het altyd ‘n idee van hul eie en die werkers wat hul naderbring, moet wakker wees, hul loop nog nie mooi rustig almal in gelid nie en wil sommer al vier pote gelyk opsteek as dit hulle beurt is.
Gelukkig hoef ons hierdie keer nie die koeie-in-melk af te gemerk het nie. Die melkstal is gerekenariseerd en ons weet mos watter koeie is die dag gemelk.
Iewers het ‘n buurman se bees besluit die gras is groener aan ons kant van die draad. Die rede gaan ek nou nie hier uitspel nie, ek vermoed hier loop meer koeie, sien! Hierdie koei word toe afgekeer en bly staan in die kraal terwyl ons die bure almal in kennis stel van hierdie koei wat haar baas soek.
So tussen troppe deur gaan kyk ons gou hoekom die spilpunt gaan staan het en ek kry sommer ‘n meganiese les oor spilpunte wat vasval, en modder en wat nog als. So ampertjies verdwaal ek tussen die mielies en waar het julle my dan kom soek? Huh? Sou julle my darem kom soek het?
Ons gaan kyk waar die trekkers werk en kom terug. O gits! Hier staan die verdwaalde koei nog. Sy moet nou net in ‘n land ingejaag word waar daar vir haar water en kos is, maar toe ons die hek oopmaak, raak sy aan die hardloop, met my seun agterná. Al wat ek kan sê, ek het nie geweet ‘n koei kan só hardloop nie! Gelukkig het hier ‘n bakkie aangekom met mense op wat kan help, anders het koei en seun seker nou nog gehardloop!
Hierdie foto is drie weke gelede geneem. Nou steek my kop nie meer uit nie.
Dis lekker op die plaas.
Toortsie
Toortsie by Finesse: Toe kom die reën
Toortsie se Facebook Page
Toortsie se Bantingresepteboeke Facebook page
Toortsie’s English Blog Posts
Kruinsig Plaasakkommodasie, Riversdal
Toortsie by Finesse voelgoed tydskrif
Transformation Prayer Ministry: Bredasdorp en Riversdal
Pragtige foto
LikeLiked by 1 person
Dankie
LikeLike
Mej Milie. Dit is mielies, nè? Die koeitellery beskryf jy baie vermaaklik, maar dis seker maar harde werk ook?
LikeLiked by 1 person
Goster s’n was vir my rustig, maar dis beslis harde werk vir die ouens wat hulle moet asnbring en die name uitroep ens. Gelukkig gebeur dit net een keer per jaar. Daar was een jaar wat ek dit 3 keer moes doen. Dan sit ek in die stal tussen die mis by ‘n stoel en tafel. 😁 Vandat die stal nou gerekenariseerd is, is dit beslis makliker en die foute defnitief minder.
LikeLiked by 1 person
Ja, dis mielies. 😁
LikeLiked by 1 person
Mooi foto!
Ek stem: DIT IS LEKKER OP DIE PLAAS!
LikeLike
Van buite af lyk dit so. 😁 Ja, dis lekker, maar het beslis sy uitdagings. Baie mense romantiseer dit en word ontnugter as hul die keuse maak om wel te boer. Dan besef hulle dis geweldige harde werk.
LikeLiked by 1 person
SO afhanklik van die natuur – ja mense besef nie altyd nie.
LikeLiked by 1 person
Ek’s seker die Towerinne sou jou gaan soek het. Self sou ek te bang wees ek verdwaal in daardie lieflike malse mielies!
LikeLike
Hierdie foto is al ‘n paar weke gelede geneem. Dis nou so hoog dat ek my hand in die lug opsteek en dit steeds nie uitsteek nie. Ek het maar net die spilpunt dopgehou en so saam met hom geloop. 🙂
Ja, die Towerinne sou beslis kom soek het, hulle is goed met so ‘n soekery.
LikeLiked by 1 person
Lekker lag ek nou!
LikeLike
Waarvoor, nogals? 😂
LikeLike
Harde werk maar ‘n lekker vertelling. Sien die prentjie van jou seun en die koei 😊😊😊
LikeLike
Shame. 😂
LikeLike
Hoor hier, daai koei hardloop ‘n hond uit ‘n bos uit en ek bly net daar staan waar hy gesê het ek moet, netnou kry ek moeilikheid! 😁
LikeLiked by 1 person
Ek wou hierdie storie op die voelgoed blog vertel, toe wil die woorde net nie lekker kom nie, en toe ek dit hier vertel, vloei dit toe lekker. Vreemd!
LikeLiked by 1 person
Ek voel eintlik ons moet sommer ‘n bul by haar sit, dan was dit vir die boer ook die moeite werd as jy haar kom haal.
LikeLiked by 1 person
Nou hoekom dink jy nou eers daaraan. Toe sy so alleen in die kraal bly staan het was dit ‘n gulde geleentheid!!!
LikeLike
Maar ek was ook in daardie kraal!
LikeLiked by 1 person
Ons kan steeds die bul byjaag. 🙂
LikeLiked by 1 person
ñ Melkboerdery ook? Toortsie, dit beteken mos vreeslik vroeg opstaan?
LikeLiked by 1 person
Ja, vir die ouens wat daarby betrokke is. 😁
LikeLiked by 1 person
Jy lyk baie gelukkig daar tussen die mielies. ñ Ware boere meisie.
LikeLike
Dis in my bloed. 😁
LikeLike
Vir hoeveel geslagte voor my is almal boere, so ver as wat ek kan terugdink.
LikeLiked by 1 person
Wat ñ voorreg om deel te wees daarvan.xx
LikeLiked by 1 person
Dit is, ja. 😁
LikeLike
Jy is darem ‘n mooi boervrou, hoor!
LikeLiked by 1 person
Ai, dankie! 😁
LikeLiked by 1 person