Kyk, dis nie aldag lekker om te pendel nie. Weekliks kos en klere inpak om te kan gaan werk en terug om huis te hou.
Soms kry ek ‘n dag grasie wat die wêreldse verskil maak. Net ‘n ekstra daggie by die huis wat ek dan sommer ‘n klompie gaar kos en slaaie maak om die pendelry ietwat te vergemaklik.
Vandag het ek so ‘n grasiedag gehad en het eers vyfuur die middag by die huis weggetrek met bakke vol gaar kos. Hierdie week is dit net soveel makliker.
Maar die heel lekkerste was die telefoonoproep wat ek kry toe ek so tien kilometer van my bestemming is: Waar is jy? Ons wil ‘n sundowner drink en die son gaan onder. 😁
En dís die lekker van die pendel. Hier sit ons nou op die stoep met ‘n glasie in die hand.
Môre werk ons weer.
Toortsie
Toortsie by Finesse: Ek wou so graag groot dinge vir die Here doen.
Toortsie se Facebook Page
Toortsie se Bantingresepteboeke Facebook page
Toortsie’s English Blog Posts
Ag hoe lekker… 🥀
LikeLiked by 1 person
Indien ek nader aan jou gebly het, het ek myself saamgenooi! Nie soseer vir die sundowner nie, eintlik vir jou lekker tuisgemaakte kos!
LikeLiked by 1 person
Maaarrrr jy is natuurlik baie welkom! 😁
LikeLike
💝
LikeLike
Daardie bakkie vol kos bekommer my!!! Hoeveel mense is op die plaas…. klink na ‘n armie (lyk verkeerd gespel)
LikeLike
Darem nie heeltemal so baie bakke kos nie. Dit moet die hele week hou!
Daar was nog beesrol oor van Sondag, wat nou op is. En ‘n maalvleisrol en ‘n koolslaai.
Dis ek en manlief en baie keer my seun ook nog en dan kom daar altyd ‘n verrassing of twee by. Hier is tans 3 ekstra mans in die huis, maar twee van hulle, eintlik al drie, is veronderstel om vir hulleself te sorg. Ek het die vermoede dat een van hulle ook my verantwoordelikheid is. 🙂
So, teen vanaand, anders, môremiddag, is daardie bakke leeg. Dolleeg. Maar tot dan help dit sommer baie.
LikeLiked by 1 person
O, en dan is daar nog ‘n kwart Banting kaaskoek ook, wat ek stilletjies in die yskas gebêre het. My geheim.
LikeLiked by 1 person
Vir stilletjies eet wanneer die manne nie kyk nie!!! Ek het ook so ‘n wegsteekblikkie… of anders verloor ek uit. Geniet!!!
LikeLike
Ek sal dalk vir my seun ‘n stukkie bêre. ❤️
LikeLiked by 1 person
O, en ek het vergeet van die spinasietert. Ag, dalk hou ons tot môre-aand!
LikeLiked by 1 person
Jy het omtrent gebak en brou!!! Flukse vrou.
LikeLike
Man, as ek fokus, kry ek nogals baie reg in ‘n kort tydjie. Die tyd in die oond neem gewoonlik die langste.
LikeLiked by 1 person
Waarheen pendel jy, as ek mag vra, Toortsie?
LikeLike
Bly julle dan vir die week op Riversdal?
LikeLiked by 1 person
Meestal ja.
LikeLiked by 1 person