Ons almal is regtig verskriklik bekommerd oor die droogte. Dis op ons almal se lippe. Ons is bekommerd.
Dis nie net die Theewaterskloofdam wat leeg loop nie, die ander damme in die Wes-Kaap loop ook droog!
Ons spaar soveel as ons kan, tog is hier maar nog baie mense wat nié besef hoe groot die krisis is nie. Tog is daar nog mense wat sê dis ‘n wolhaarstorie!
Ek noem ‘n paar dingetjies wat my bekommer:
Ons dorpie kry genadiglik nog reën en ons het boorgate, maar hoe weet ons hoeveel water nog in die boorgate is? Boorgate is nie ‘n onuitputlike bron wat nooit droog loop nie en as dit orals om ons droog is, hoe lank kan die boorgate nog standhoudende water lewer? En dit vra ek nie in ongeloof nie. Ek kry net soms die idee dat mense dink dat boorgate net sal aanhou en aanhou water spoeg.
Ek hoor nou die dag op die radio dat daar nóg 2 nuwe woonbuurtes in Kaapstad goedgekeur is. My vraag is: Weet daardie ouens wat daardie besluite neem, nie van die waterprobleem nie en weet hulle dat, sou dit nou begin reën, die waterkrisis in die Kaap nie sommer net opgelos is nie?
Toe sê iemand vir my van hoeveel swembaddens die afgelope somer goedgekeur is in die Kaap. Dit mag glo nie met Kaapse water volgemaak word nie, waar kom daardie water vandaan?
As ek in die Kaap-omgewing gaan kuier, neem ek bottels water vir my mense saam, water uit ons eie krane. So 3 x 5 liter kanne. Die probleem is, elke persoon in ons dorp voel soos ek om ‘n paar bottels water saam te neem en voor ons ons kom kry, het ons ons boorgatwater leeggery Kaap toe.
‘n Vriend vertel my dat daardie swembaddens waarvan ek hierbo vertel, uit die omliggende dorpe volgery word. My bekommernis was dat ons ons boorgate gaan leeg ry met drinkwater, maar regtig? Ons kan mos nie die Kaap se swembaddens onderhou met ons kosbare drinkwater nie? Dink mense wat hulle doen?
Ek wonder ook of die oppot van water, wat tans gebeur, nie die situasie vererger nie. Water raak oud. Dit het ons al gesien as ons vakansies water in kanne see toe neem. Later is daardie water nie meer lekker nie. Gaan dit dan weggegooi word, of wat?
Mag God dringend uitkoms bring met goeie reën in die Wes-Kaap. Mag ons wat nog water het, oordeelkundig daarmee werk.
Groetnis
Toortsie
Elke keer as ek hier op CNN sien hoe die damme in die Kaap lyk, en al die voorspellings, trek my keel toe.
LikeLiked by 1 person
Dis erg, erg, erg.
LikeLike
My seun sê hulle swembad is net nog ‘n bekommernis vir hulle. Daar is te min water in om in te swem…. so hy staan net en verniel.
LikeLiked by 1 person
Dis regtig erg
LikeLike
Ek sien ok heeltyd die fb “artikels ” wat se dis wolhaarstories dat die water opraak!!!!!???
LikeLiked by 1 person
Nemand is so blond soos hy wat nie wil sien nie.
LikeLike
Jy is nog ordentlik om te se blond. Ek se sommer stom onnosel
LikeLike
Eintlik moes daar staan blind! Tikfout
LikeLike
Hahaha.
LikeLike
Jy is reg omtrent water wat “oud” word Toortsie. As die houers nie geseël is nie, kan jy dit nie te lank hou nie. Ons verkies om so elke derde dag vars drinkwater te gaan haal.
LikeLiked by 1 person
Ek is half onrustig dat die hele ding verpolitiseer word.
LikeLike
O, dit sal ook wees, maar dis regtig baie droog.
LikeLiked by 1 person
Ja dit verstaan ek….
LikeLike
Ek hoor op die radio dag 0 is uitgestel tot in Mei oor die boere bespaar het. Dis water wat die boere eenvoudig net nie meer kry nie. Boorde word uitgehaal, skape word geslag, melkerye maak toe omdat daar nie water is nie.
LikeLiked by 1 person
Ek het 27 Januarie by Theewaterskloofdam gaan stap. Dir was vir my ‘n emosionele ervaring. Ek hoop om binnekort daaroor te blog. Ek het in die begin van die somerseisoen vir die kinders gese dat daar nie water gaan wees vir die swenbad en dit is toegemaak met ‘n seil.
LikeLiked by 1 person
Baie mense se persepsie dat daar genoeg water is gebaseer op op die Steenbras damme wat saam egter slegs 122 % van die die kapasitiet van die Theewaterskloofdam het. D-dag is egter wel vandag aangeskuif na 12 Mei nadat dit op stadum 12 April was.
LikeLiked by 1 person
Dit moet lees 12% van die kapasiteit van die Theewaterskoofdam het.
LikeLiked by 1 person
En dis eintlik water wat vir kragopwekking bedoel is.
LikeLike
Mense se houdings jeens die krisis is in my opinie nog n groter probleem as die gebrek aan reen. Die gepeupel mors lekker voort en ons leiers blameer mekaar oor wie nie wat gedoen het nie. Met ons onlangse droogte hier in die Noorde, toe daar ook baie ernstige waterbeperkings ingestel was, het ons Koreaanse bure my en my vrou so gevloek (gelukkig in Koreaans so ons verstaan niks daarvan nie) toe ons hulle telkens daarop moes wys dat dit nie wenslik is om 12:00 in die middag tuin nat te maak nie. En al het ons elke dag daaroor baklei het dit hulle nie in die minste geskeel nie.
Ons bid saam met julle vir uitkoms, Toortsie.
LikeLiked by 1 person
Dankie, die uitkoms sal kom!
LikeLiked by 1 person
Ons sien en hoor ook op nuus daarvan- wanneer ek wel nuus kyk, min goed wat my so depress soos die nuus, so ek kyk net nie. My pa val seker van sy wolkie af terwyl ek dit sê… Dit is regtig hartseer dat daar so baie mense is wat nog nie besef hoe erg die droogte regtig is nie. As iemand vir my paar jaar terug gesê het daar is eers so ‘n moontlikheid, sou ek so gelag het, veral in die Kaap. Ek vat wat hier aangaan, in ‘n woestyn land. Mens sou dink as daar nou ‘n plek is waar mense sal weet van spaar, dan is dit hier. Maar moet nie glo nie, seker erger as enige ander plek. Is dit hier omdat mense in ‘n totale “Disney world” konsep leef van ons het geld om alles te koop, of is mense net van nature so vêr verwyderd van realitieit, dat dit nie vir hulle sin maak nie. Hoe ouer ek word, hoe meer maak daai hele “Green people” konsep vir my sin. Ek bid saam..
LikeLiked by 1 person
Dankie vir die bid en dankie vir die inloer.
LikeLike
Swak beplanning en oorbevolking is ook deel van die probleem. Mense leef werklik vêr van die natuur af. As jy elke dag by ‘n rivier moet water skep, sal jy besef water kom nie uit krane nie. Die slegste is dat elke plassie met liters water weggespoel word en iewers uitloop as rioolgemors! Die ou puttoilet was nie so ‘n mal idee nie….seker net nie prakties in groot stede met hokkies vol mense nie.
LikeLike
En dan word die riviere met skoon water so bemors omdat te veel mense nog op die tradisionele manier die rivier hebruik.
LikeLiked by 1 person
Ek ys om te dink wat gaan gebeur wanneer die water op is. En ons hier in die Noorde is nie ver agter nie.
Dink dis waar wat hulle sê dat die volgende wêreld-oorlog oor water gaan wees
LikeLiked by 1 person
Ons sal net moet leer om meer spaarsamig te wees en self elke moontlie druppel op te vang en te hersirkuleer.
LikeLike
Ons het vanoggend in die Bybelstudie weer ernstig gebid oor die saak. Ons hou aan glo en vertrou.
LikeLiked by 1 person
Dis eintlik al wat ons kan doen.
LikeLiked by 1 person
Beslis 😢🙏🏻
LikeLiked by 1 person
My foon haak nou vas. Ek weet nie hoe om hier uit te kom nie.
LikeLiked by 1 person
Probeer jou foon af en aan sit. Help my gewoonlik.
LikeLiked by 1 person
Ek het dit nou ‘n paar keer gedoen en elke keer bly hy op huerdie selfde plek vashaak. Toe het ek WP afgehaal en nuut geïnstalleer en genadiglik het WP my password onthou! Nou is dit weer reg. 😁
LikeLiked by 1 person
Dankie tog! 🙌🏻😁
LikeLike
💃💃💃
LikeLiked by 1 person