Herster het vir my gevra of ek ‘n adrenalien junkie is en hoe meer ek daaroor dink, hoe meer weet ek, ek is dit nie. My idee van adrenalienjunkies is ouens wat van brûe afspring en teen berge af ski en allerhande waaghalsige dinge doen. Ek is eerder een wat die lewe gryp.
En dis nou net mooi waaroor vanoggend se preek gegaan het. Eintlik is dit die jaartema van ons kerk vir 2018: Dat ons net een lewe het, wat ons moet lééf. Dat ons moet lewe asof ons 25 ure in ‘n dag het.
Die dominee vertel van die gesin wat ‘n prys gewen het Mauritius toe. Die ma is bekommerd oor watter verkeerde dinge hul gaan sien, dat hul vreemde kos sal moet eet, dat sy nie goed lyk in ‘n swembroek nie en wat nog alles. By Mauritius aangekom, sluit sy haar in die hotelkamer toe met ‘n boek, terwyl die pa en kinders geniet wat daar te geniete is. Sy is vies vir hulle wat hulleself so geniet, terwyl sy in die kamer lê en boeklees. Toe die week om is, is sy kwaad oor hul ‘n hele week daar was en sy niks van die plek gesien het nie.
Ons het net een lewe. En ja, almal van ons het slegte dinge in ons lewens: Daar is dalk siekte, die geld is min, ons kleinkinders word ons weerhou, die buurman is knorrig. Maar ons het die keuse om dít wat oor ons pad kom, aan te gryp, óf weg te wys. Ja, daar kom moeilike dinge oor ons pad, maar daar kom ook seëninge oor ons pad, ons moet net kies of ons daardie seëninge gaan toe-eien of nie.
So ek, Toortsie, kies die lewe. Elke minuut daarvan. En vreemd, sodra jy dit begin kies, kom daar net meer en meer geleenthede om die lewe te kies. Dis amper of die lewe lewe aantrek.
Wat kies jy? Dalk is ‘n goeie plek om te begin om nie ‘maar’ te sê nie.
Groetnis
Toortsie
Jip, dis die regte houding! Ek hou hiervan.
LikeLiked by 1 person
😁
LikeLiked by 1 person
Ek gaan hier saam met jou en Hester stem. Ons het ‘n keuse!!
LikeLiked by 1 person
Jajaaa
LikeLike
Ek stem saam … dit gaan saam oor bangwees ook. Mens kan nie ver alles en almal bang wees nie. As God in beheer is van jou lewe kan nie anders om so te leef nie.
LikeLiked by 1 person
Niemand hoef buitensporige dinge te doen nie. Jy kan sommer net dit wat binne jou bereik, jou vermoë en ook jou belangstellingsveld plaasvind, saamdoen.
LikeLiked by 1 person
Ek stem persent saam, faal net skeg op die oomblik! Daar is n “maar” by elke gedagtes…
LikeLiked by 1 person
Hoe dan so?
LikeLike
Sommer ‘n paar nie-lewensbedreigende gesondsheidskwessies wat my van tyd tot tyd effens negatief stem. Gelukkig waai dit gewoonlik weer oor!
LikeLiked by 1 person
Sterkte. Binnekort sing jy al weer in Capital Singers. Ek is so jaloers!
LikeLiked by 1 person
Dit is waar! My seëninge is meer as die skete, soms net te halstarrig om nie behore te tel
LikeLiked by 1 person
😁
LikeLike
Ek kan ook beslis maklik die ja maar, voorhou. Gelukkig het ek dit al goed hok geslaan deur ek gaan te gebruik. Dis waar, jy het n keuse. Sny die wat nie opbouend is nie uit en daar gaat jy vorentoe in die lewe.
LikeLiked by 1 person
Soms is almal van ons dalk eerder lui of nie lus nie.
LikeLike
Ja, daardie lui/nie lus wees kan mens nogal afsny van berdreiwighede wat dalk betekenis kon hê. Aan die anderkant kan mens ook nie alles doen nie.
LikeLiked by 1 person
Soms is lui wees en rus broodnodig.
LikeLike
Is so, ek voel so skuldig omdat ek nie by my naaldwer uitkom nie. Dis so warm dat mens net nie moed het om iets te doen nie. Nou sit ek rustig en lees en snooze tussenin wat ek myself ook nie maklik gun nie.
LikeLiked by 1 person
Geniet elke oomblik daarvan.
LikeLike
Ek probeer dankie. Intussen bly naaldwerk weer agter. My kwilt lê nou al meer as n jaar. Het n masjien gekoop en ek gebruik hom nie!
LikeLiked by 1 person
Dit sal weer kom. 😁
LikeLiked by 1 person
Ek kies ook die lewe…jy het my laat dink,dankie Toortsie.
LikeLiked by 1 person
❤️
LikeLiked by 1 person
Net SO!
LikeLiked by 1 person
YIP! Care Diem! ( my skool se leuse) Ek het ook al voorheen hieroor geskryf,net in ‘n ander vorm.
en
LikeLiked by 1 person
Gaan nou dadelik lees. Mens mag maar 100 maal daaroor skryf. Was jy Sondag in die kerk? Ds Cornie was weer, soos gewoonlik, net die beste!
LikeLike