Dis ‘n boodskap van die stil kind af;
“Hello mamma”
Dit beteken die stil kind het probleme.
“Hello L…..” antwoord ek.
“Hoe gaan dit mamma?
“Goed en met jou?” Nou gaan die bom ontplof…. jare se ondervinding het my dit al geleer.
“Ek drink vreeslik mamma.”
Ek is nie verbaas of geskok nie. Ek moes al te veel dinge in my lewe aanhoor.
“Hoekom drink jy L….?”
“Want ek is kwaad.”
Sy wil met die hele mandjie patats voor die dag kom…. dus bel ek.
Sy is kwaad maar ook huilerig.
Sewe jaar gelede is sy en haar man uitmekaar, en in die proses is sy haar twee dogters ook kwyt. Sy het by ‘n man tien jaar ouer as sy ingetrek – ‘n karakter wat ons nie self vir haar sou kies nie. Dié man het nou sy suster se sestienjarige kleinkind – wat so oud is soos die stil kind se oudste dogter – ingevat om by hulle te bly. Die tiener se huislike omstandighede is haglik; sy het haar oom gevra of sy daar kan bly om haar skoolloobbaan te voltooi. Hieroor is die stil kind woedend; dis onregverdig, sy kannie haar eie kinders grootmaak nie maar daar word van haar verwag om ‘n anderman se kind in haar huis te verwelkom.
“En nou drink jy?” vra ek.
“Ja, ek drink dag na dag myself dronk want ek wil nie saam met daardie meisiekind in dieselfde huis wees nie.”
“Ek kan jou nie stop as jy jou pyn wil wegdrink nie, ek verstaan jou pyn baie goed (en verstaan ek dit nie!!) Maar jy het ‘n keuse hier. Of jy drink en laat jou lewe aftraande pad hardloop en kyk waar spoeg dit jou uit, of jy sien hierdie meisiekind as ‘n tweede kans wat die Here jou in die lewe gee.”
“Hoe bedoel mamma?”
“Jy kannie jou eie dogters grootmaak nie, maar voor jou staan ‘n kind uit moeilike omstandighede. Sy het ‘n ma, liefde en leiding nodig, en jy kan dit vir haar gee.
Stilte
“Die dag toe die welsyn gebel, en my vertel het van jou het ek ook voor ‘n keuse te staan gekom. Ek kon kwaad word en vra hoekom moet ek ‘n anderman se kind grootmaak en nie my eie nie? of ek kon my hart vir jou oopmaak, en vir jou ‘n huis, en liefde gee.” Ek het op die laaste keuse besluit… die res ken jy.
“Ek was baie selfsugtig, nê mamma.”
“Ja, jy was.”
“Ek sal regmaak waar ek verbrou het.”
“Ek is bly, sterkte vorentoe.”
Twee weke later gaan kuier ek en Ken, en Jay en haar man daar. Ons ontmoet die tiener; ”n pragtige meisiekind. Ek vra haar of dinge nou beter gaan in die huis. Sy knik haar kop bevestigend en lag. Sy en die stil kind is heel eie met mekaar in die kombuis. Daardie middag is die stil kind weer op haar stukke, en ons lag soos toe sy nog in die huis was. Op ‘n stadium sê die man in haar lewe dat hy vir haar gesê het hy gaan my vertel hoe vreeslik sy drink. “Ek het my ma klaar vertel, sy weet alles van my af,” antwoord die kind…. en op daardie oomblik voel alles weer so bekend.
Ag Kameel, jou skrywe is vol insig en deernis, soos net ñ mens wat die moeilik van die lewe self ken, kan skryf.
LikeLiked by 1 person
Dankie Una. Die liewe lewe slaan hard maar ons leer diep lewenslesse daar.
LikeLike
Sug
LikeLiked by 1 person
En as onse Toortsie nou sug? Ek sien ons het ‘n nuwe nuwejaars look 😊 Ek hou hiervan, dankie Toorts.
LikeLiked by 1 person
Ek sug aommer oor ons en onse kinders. Die look? Ek speel sommer bietjie.
LikeLiked by 1 person
Skuld ek jou vir die nuwe look? Ek is ernstig…. skuld ek jou?
LikeLike
Ja! Raad! 😁
LikeLike
Boereraad?
LikeLike
Enige raad. 😁
LikeLike
Dis gratis.
LikeLiked by 1 person
Jou skrywe raak altyd aan die hart, Kameel!
LikeLiked by 1 person
Dankie seegogga. Voel asof ek so lanklaas met jou gesels het. Gaan dit goed? Wanneer kom jy weer met ‘n storie soos daardie skoolseun voor die dag. Dit het spore in my hart gelos.
LikeLiked by 1 person
Ai Kameel, ek weet nie waar my inspirasie lus en stories heen is nie! My rekenaar het ook ‘n probeem – hy is deesdae onmoontlik stadig
LikeLiked by 1 person
Net miskien byt die skrywersgogga weer.
LikeLike
Ai Kameel jy skryf so pragtig. Dit raak aan my hart! Sterkte daar!
LikeLiked by 1 person
Dankie Aletta. ‘n Geseënde jaar vir jou!!!
LikeLiked by 1 person
Dankie, vir jou en jou familie ook!
LikeLiked by 1 person
Reblogged this on Wag 'n Bietjie.
LikeLike
Jy is een uit ‘n miljoen.
LikeLiked by 1 person
Dankie Hester. Dié pad maak maar eienaardige draaie.
LikeLiked by 1 person
*drukkie* ❤ Ek het nie antwoorde nie.
LikeLiked by 1 person
Ek bly hoop dat sy met tyd beter en beter besluite sal maak. Wanneer ek moedeloos wil word dink ek aan waar die Here my kom uithaal het… en kry weer hoop.
LikeLiked by 1 person
Watter wonderlike, wyse raad.
LikeLiked by 1 person
Haar pad loop so baie soos myne geloop het Frannie. Ek glo God het dit op my hart gelê om dit so met haar te deel.
LikeLiked by 1 person
Klink of jou raad aan haar tog ‘n invloed gehad het. Sterkte!
LikeLiked by 1 person
Die storie het nog groter gevolge gehad wat ek glo goed is vir haar. Sy het weer doel in haar lewe. Mooi jaar vir jou!!
LikeLiked by 1 person
Dankie vir jou ook, Kameel.
LikeLike
Hoe sou ons ooit kinders kon grootkry as die Here nie deel was van die span is nie, is nogsteeds vir my ‘n wonderwerk. Genadige God.
LikeLiked by 1 person
Sonder Hom het ek ook my hartseer oor my kinders probeer wegdrink. Met Hom kon ek die lewe weer in die oë kyk, en aangaan met die lewe. Ja voorwaar, ons genadige God!!!
LikeLike
❤❤
LikeLike
Genade onbeskryflik groot. Die meiskind is op die pad gesit sodat stil kind tot insig kan kom en haar talente wat sy het kan laat uitkom. Die drinkery is so n maklike handvatsel. God se Hand is nog makliker as mens dit net wil aanvaar. Hierdie stukkie skryfwerk het nie baie woorde nie maar dit het oneindige diepte en insig veral van jou kant af. Dankie dat jy dit gedeel het. Hope liefde vir jou.
LikeLiked by 1 person
Ek dink jy verstaan reg scrapy. Dit was net die begin… die storie loop verder. Sy het nodig om weer rigting en doel in haar lewe te vind. Sy het genoeg liefde in haar om dit mildelik uit te deel. Ek vertrou dat God vir haar ‘n pad sal oopmaak na hoër hoogtes toe.
LikeLike
Met jou hulp en ondersteuning gaan sy beslis wen.
LikeLiked by 1 person
Wow, dit is nou n pragtige uiteinde. Voel jammer dat sy nie haar eie kids kan grootmaak nie. As sy enigsins na jou aard gaan sy n great “mamma” vir dai kind wees.
LikeLiked by 1 person
Dankie 😊 Die storie loop nog verder…. iets wat ek nie verwag het nie, maar wat goed sal wees vir haar. Sy het doel in die lewe nodig.
LikeLiked by 1 person