Dié, dat ‘n man nie van geborduurde vertellinge hou nie is sommer simpel. Sou Ken my vertel iemand het sopas oupa geword wil ek weet wanneer, waar, hoe en die naam van die nuweling. “Ek het nie gevra nie”, antwoord hy, en los my netso in die lug. Dit voel so onvoltooid!!!! Sou ek weer vir hom iets vertel sê hy kort voor lank ek moet nie Kaaplangs praat nie, maar my sê, sê. Nou kan ek nie anders as om vir André (my.eks) jammer te voel wat so gedweë lê en luister het, terwyl ek.vir hom ‘n storieboek voorgelees het nie. Of miskien het hy net gemaak of hy luister.
Wat ek nie verwag het nie is dat die manneding van “sê jou sê, en kry klaar”, al in kindertyd begin. Joshua, ons tienjarige kleinseun kom leer in die middae by my. Gister kom hy hier aan en is heel verbaas om my in my japon op die bed te sien lê. “Hoekom is ouma nog in ouma se pajamas”, wil hy weet. Ek tipies vrou, vertel hom van sy ma wat eers twaalfuur my hare kom kleur het, en wat alles daarna gebeur het om my dag so omvêr te gooi. Ek sluit my relaas af met die woorde dat ek nou so lekker lê en ontspan en nie lus is vir aantrek nie. Met sy kop rustend op sy hand het hy heel aandagtig (of so het ek gedink) na my sit en luister. Toe ek klaar is met my storie vra hy hoekom het ek so baie woorde gebruik. “Hoe bedoel jy nou?” wil ek weet. “Al wat ouma hoef te gesê het was”, en hy begin op sy vingers aftel, “EK…IS…NIE….LUS….NIE!!” Met sy blou oë kyk hy my heel ernstig aan. “Daardie vyf woorde is al wat ek wou hoor”.
Hoekom voel ek so in die bek geruk?
Haha, ek is nou histeries aan die giggel. Die kleingoed raak glads te kontant en sit ons mooi op ons plek. Maar ernstig nou, my man vertel ‘n storie van begin tot einde, lekker geborduur en knope aangewerk terwyl ek sulke eenbeen-sprongetjies uitvoer omdat ek dringend by die toilet moet kom. Ek raas ook altyd: “Sê asseblief net ‘ja’ of ‘nee’ – moenie vir my ‘n hele gesang voordra nie”.
LikeLiked by 1 person
Nou het jy my aan die lag Hester. Lekker geborduur met knope aangewerk…. love it. Dan sien ek daardie sprongetjies…. en moenie vir my ‘n gesang voordra nie 😁😁😁😁
LikeLiked by 1 person
Ag, lag ek nou te lekker! Dis kostelik Kameel.
LikeLiked by 1 person
Jy gaan nog sien hoe sit daardie bloedjies van jou vir jou ore aan soos hulle groter word Una. Gelukkig kon ek ook nie help om te lag nie. Mooi naweek vir jou.
LikeLike
Dierbaar verby daai kleinseun van jou Kameel. Lekker gelag, sommer ook vir jou komentaar Hester.
LikeLiked by 1 person
Dankie trommeltjie….. baie lief vir al die bloedjies….. maar hulle kan jou werklik vinnig op jou plek sit.
LikeLike
Mens kry maar jou borduurders en kortknippers onder mans en vrouens. Ek lag nou te lekker vir jou kleinseun…definitief ‘n kortknipper!
LikeLiked by 1 person
Definitief 😕
LikeLiked by 1 person
Mond van die suigeling
LikeLiked by 1 person
Ek het al goed deurgeloop hulle 😮
LikeLiked by 1 person
Ag dis te oulik!
LikeLiked by 1 person
Kan jy nou glo Frannie sy ma hulle kuier vanaand hier; die groter kinders is almal uit… dus is hy alleen. Hy vra sy ma se foon sodat hy musiek kan luister, waarop sy sê “kuier eerder saam met ons”. Hy antwoord haar “Mom weet ek is nie een vir baie woorde nie.”
LikeLiked by 2 people
Genade! Net 5 woorde as hy 2000 kon hoor?
LikeLiked by 1 person
Hopenlik trou hy eendag ‘n stil vroutjie wat net vyf woorde ‘n dag praat. 😊
LikeLiked by 1 person
Nooit! Hy gaan ‘n babbelbekkie kry. 😁
LikeLiked by 1 person
Ek is van mening die pratery hou van persoonlikheidstipe af en nou vir ‘n totaal onwetenskaplike opmerking – die wat gereeld kommentaar lewer praat meer gereeld…
LikeLiked by 1 person
Dis ‘n interessante waarneming oor die kommentaar lewer.
Ek het verstaan vroue is “gatherers” mans “hunters.” Vroue kleur in en vertel in detail, mans pyl direk op die punt af. Vroue en mans se breine is verskillend “gewire” sê die slimmense. Dit werk so in ons huis 😦
LikeLike
Ek stem saam dat mans anders as vrouens aanmekaar gesit is. Maar daar is variante binne die groepe t.o.v. “tipiese” manlike of vroulike optrede.
LikeLiked by 1 person
Dankie…. ek sal van nou af nie meer al die mans oor dieselfde kam skeer nie. 😊 Ek verstaan van verskillende persoonlikhede b.v flegmaat, cholerie (bewaar jou siel), sanguine, melancholies. Baie interessant!!!
LikeLike