Dit wat ons glo

~ Toortsie

Dis mos ‘n erkende feit dat ons onderbewussyn alles glo wat ons hom vertel, of dit nou die waarheid is of nie. Sou ek aanmekaar vir myself vertel dat ek niks werd is nie, die swartskaap in die familie, ‘n afskuwelike neus het, of wat ook al, glo my onderbewussyn dit en kan ek nou maar maak wat ek wil, dít is wat ek in my hart glo. Daarom is dit so belangrik om te kyk wat ons oor onsself praat en dink.

Aspaai het vandag hierdie geplaas:

https://metamorfosevirmysiel.wordpress.com/2017/10/17/gedagte-vir-die-dag-6/

‘n Rukkie gelede het ek vertel van Dr Pieter van Jaarsveld se boek, ‘Dink jouself gelukkig.’ Hy raai aan dat ons konsekwent vir minstens 21 dae aanmekaar vir jou iets sê, iets wat jy wil verbeter aan jouself of jou omstandighede.

Net daar besluit ek: Hierdie name vergetery van my kry NOU end. Hierdie blokkasie in my brein moet WEG. Dis sommer NONSENS dat ek nie name kan onthou nie. Ek begin dit vir myself vertel dat ek regtig oulik is met name. Ek vertel dit ook grappenderwys vir my vriende en hulle lag en praat saam. As jy nie weet wat iemand se naam is nie, vra net vir my, ék sal jou sê, ek is mos eintlik baie goed met name. 🙂 Ry ek in die dorp by mense verby, kom die name skielik in my kop op en dan sê ek: “Sien jy, jy ís goed met name!” Ek begin weer belangstellend vir mense vra wat hulle name is, met die doel om dit te onthou en nie met die gedagte dat ek dit in elk geval gaan vergeet nie. Ek skryf hier en daar ‘n naam neer en laat lê dit op my kombuistafel en stadig, maar seker, is my namebank weer aan die opbou en is daar sommer stof wat weggevee word op ou name wat ek lankal vergeet het. Ek begin glo in myself. Dit werk! Ek kan sowaar name onthou. (Nog nie heeltemal almal nie, ek werk mos nog daaraan, maar gee kans!)

Ek het dieselfde gedoen met trappe wat die laaste tyd vir my ‘n probleem begin word het. Ek het keer op keer vir myself vertel dat ek jonk en fiks is en wat is ‘n paar trappies nou? Dit verg steeds ‘n bietjie konsentrasie en oorreding, maar deesdae hardloop ek sommer weer trappies uit asof dit niks is nie.

Komaan, vertel vir jou onderbewussyn mooi dinge. Oortuig hom! Vertel hom hoe oulik, slim, mooi jy is. Hoe goed jy met mense regkom. Selfs al glo jy dit nie nou nie, vertel dit vir jou onderbewussyn. Jy sal verstom staan oor die resultate!

Toortsie

English Blog Posts

Toortsie se Bantingboerekosboek Facebook page

Toortsie se  Facebook page

Finesse Blogger of the week

Toortsie by Finesse: Toe haal ons die maskers af

Toortsie by Pinterest

Plaasakkomodasie by Riversdal, Wes-Kaap

Gepubliseer deur Toortsie

'n Flitsliggie wat oral inskyn, ook waar dit soms ongemaklik is... A Flashlight whose light shines everywhere, even on places where it is not so comfortable.

27 thoughts on “Dit wat ons glo”

  2. Klink vir my na ń bevestiging wat ek vanoggend gedink het met ons stappie om die eende dam. Ek het besluit dat ek van nou af meer positief oor myself gaan dink. Ek het die geneigdheid om myself af te kraak. Dankie Toortsie vir hierdie deel.

    Liked by 1 person

    Antwoord

    1. Laat juffrou Toortsie nou dadelik hier intree. Stop dit om jouself af te kraak. Gaan maak nou ‘n lysie van jou 10 positiewe eienskappe en kyk gereeld daarna en sê vir jouself: Ek is ‘n persoon van waarde en ‘n wonderlike skepping van God.

      Like

      Antwoord
  3. Terug pieng: Dit wat ons glo — Toortsie, Kameel en Bokbaaivygie se blog – Leja Fantasties se Fantastiese Blog

  4. Dit het soos ‘n bom gewerk toe ek ophou rook het. Elke keer wanneer ek die laai by werk oopgetrek het om ‘n sigaret te kry het ek vir myself gesê “Jy rook nie meer nie.” Twee weke later was sigarette en die mag van die gewoonte iets van die verlede.

    Liked by 2 people

    Antwoord

  5. Ek is maer. Ek is maer. Ek is maer.Ek is maer. Ek is maerEk is maerEk is maerEk is maerEk is maer
    Hmmmmmm. Dit werk nie so lekker vir MY nie. Ek is nogsteeds vet…

    Like

    Antwoord

        1. Jy los sommer jou marmite, want jy gaan baie lekkerder kos eet. Jy kan natuurlik vir lou lekker Bantingmuffins bak en jou marmite daarop smeer. As jy moet. As jy regtig nie daarsonder kan klaarkom nie. After all. Marmite? Wat is dit?

          Like

          Antwoord

          1. Nee wat ou Toortsie. Dit gaan BAIE kos om my op daardie dieet van jou te kry. Well, enige dieet for that matter. Jy kan maar ophou met my.

            Like

            Antwoord

            1. Die waarheid is dat ek regtig nooit iemand probeer oortuig om dit te doen nie, jy het net so ‘n lekker wortel voor my neus gehou! 🙂 Dis heeltemal reg met my, jy hoef nie te Bant nie. 🙂

              Like

              Antwoord

              1. Kyk, diet sal ek moet. Ek raak nou rerig unhappy met myself. Banting en ou watsenaam, Atkins se diet volg ek net baie langtand na. Sodra ek iets moet prysgee, soos bv brood, crave ek dit sonder end…
                Dan vergryp ek my nou-nou net aan dit.

                Like

                Antwoord

Gesels saam, asseblief!