Omtrent net ‘n week gelede het ek vol opwinding vertel hoe Hier’s die Toortsie weer! vorder, nou vertel ek ‘n ander storie.
Daar was so ‘n ligte kinkel in die kabel, of ‘n padda in die pyp, maar alles loop nou weer mooi. Die bladuitleg wat ek gekry het was verskriklik mooi. Liela het haar alles, haar beste gelewer en regtig ‘n mooi werk gedoen. Die probleem was die leesbaarheid, en die groter probleem, die afstand tussen ons. Daar was net te veel veranderinkies en ek het bladsye en bladsye vol geskryf, tot ek moed verloor het. Ons moes net ‘n ander plan maak.
So, intussen is daar toe ‘n nuwe grafiese kunsenaar aangestel wat weer eens dag en nag werk om dinge gedoen te kry. Selfs ék het een nag vir Publisher gegryp en my eie, onprofessionele poging aangewend. Die probleem is: Die resepte in die boek is regtig goed en lekker, die foto’s is ongelooflik mooi en goed, dit help nie ons foeter nou alles deurmekaar met ‘n swak bladuitleg nie.
So, Joh-Marie werk en werk en soos dit inkom, smile ek meer en meer. Mense, dis mooi en leesbaar.
Maar nou kom die beplande 28 Oktober wanneer ek die amptelike bekendstelling wou doen, net te vinnig nader. Ons bloeddruk en bloedsuiker en cholesterol en al die ander lelike dinge hardloop sommer teen die plafon, net omdat ons gedruk voel vir tyd, en regtig, dis mos nou heeltemal onnodig! Ons doen mos eintlik hierdie ding vir die lekker, nie vir die spanning nie! Jitte!
Daarom gaan ons nie ‘n amptelike ‘launch’ hê nie. Maar moenie bekommerd wees nie, ek hou julle op hoogte! Sodra dit by die drukkers is en die proeflopie goedgekeur is, maak ek die pre-launch bestellings oop en sal julle dit teen ‘n spesiale prys kan koop. Die boek se normale prys sal ook R195 wees, net soos die eerste Toortsie, maar die pre-launch prys sal R160 wees. Hou dus solank julle geldjies reg. Die pre-launch sal loop van die dag wat die proef goedgekeur is totdat die koeriers die bokse by my huis aflaai. Dan is dit verby. Hou hierdie spasie dop!
Intussen, hier is ‘n proeseltjie!
As jy bang is jy mis die kennisgewing, raak deel van ons Facebookblad: Toortsie se Bantingresepteboeke.
Groetnis
Toortsie
Toortsie se Bantingboerekosboek Facebook page
Toortsie se Facebook page
Finesse Blogger of the week
Toortsie by Finesse: Die kleinkinders
Toortsie by Pinterest
Nou goed, ek kon nou nie help om te smile vir die foto en naam van jou boek nie. Dit pas!!!
LikeLike
Dink jy so? Dankie! Dit moet PRET skree. 😁
LikeLiked by 1 person
Ek hou van die voor- en agterblad. Voorspoed!
LikeLike
Dankie!
LikeLike
Sterkte
LikeLike
Dankie. Die laaste 100 meter! 😁
LikeLiked by 1 person
Sjoe, ek lewe saam met jou! Dit lyk egter fantasties. Uitnodigend en uitdagend! Dit sal gebeur moenie worrie nie! Dis ook soos jy sê dis vir die lekker en nie om jou siek te mak nie. Tog het n mens n afsny datum nodig om mens te forseer om klaar te maak anders draai dit vir ewig.
Sien uit na die boek.
LikeLiked by 1 person
Dankie. Dinge gebeur nou, maar ek dink die 28e is nou net te fyn gesny.
LikeLike
Ja, daar is nog te veel om te doen en die dae het ook net 24 ure! Ek is self weer ernsig besig om my eerste deel van my memoirs reg te kry vir druk. Hierdie keer is dit nie sommer net nie. Dis ernstige sake nou.
LikeLiked by 1 person
Sterkte. Het jy ‘n goeie proefleser? Ek het iewers gelees dat elke skrywer ‘n editor nodig het. Ek het dit nou ook maar weer besef. Ek was so seker die taal en alles is perfek, dan haal hulle nog weer foutjies uit.
LikeLike
Ja profleser is my dood met die Engels saam. Gelukkig het ek ook goeie vriende wat my mooi wys waar die probleme lê. Het gister hele dag gesit en sukkel om my voorblad te doen en toe wys my een vriendin dat my boek naam n bietjie afbrekend klink! Sy is nog van die ou garde, weet nog nie of ek my aan haar gaan steur nie want n ander een het dit weer as spesiaal gesien.
LikeLike
Speel met jou naam. Oefen hom op jou tong. Val hy lekker op jou oor? Op die ou end is dit jou naam en joune alleen.
LikeLike
Dis waar. Dit voel vir my lekker. Ek dink ek moet dit dalk op my blog sit en mense se gedagtes toets,
LikeLiked by 1 person
Wonderful cover, dear Toortsie! And the book itself too! My conrgatulations! 😉
LikeLike
Thank you! We still have some way to go, but it is near printing now.
LikeLiked by 1 person
Hmm…..! So great! I’m feeling bewitching Toortstie’s Kitchen scents! Good luck with publishing!
LikeLike
Toortsie is a teenager now! 😱
LikeLiked by 1 person
I guess she has always been, hasn’t she? 🙂 🙂 🙂
LikeLike
Mmmmm
LikeLiked by 1 person
🙂
LikeLike
Ai ek kan nie meer wag nie. Ek deps die eerste een😂
LikeLike
😁 grafiese ontwerper wasnou net hier. Ek mot gou hrdie week proeflees
LikeLike
Pragtig, lief die buiteblaaie. Dit gaan ń bash wees.
LikeLike
Dankie
LikeLike
Dankie daar kom nog klein veranderinkies.
LikeLike