Hoe kan ek oor die vroue in die Bybel skryf en die Spreuke 31 vrou oorslaan? Sy is vir my ‘n voorbeeld, ‘n inspirasie. Of sy werklik mens was, weet ek nie, en of sy net die tekening is van die ideale vrou, dit maak nie saak nie. Sy is nastrewenswaardig.
Sy was knap, en ‘n knap vrou is meer werd as edelstene, skryf die Spreukeskrywer.
Sy is nie lui nie en bring haar kant. Sy is vir haar man tot voordeel en hy is trots op haar. Sy is hardwerkend en sorg dat haar gesin klere het om aan te trek. Of sy die klere self maak en of sy iemand aanstel om dit te maak, maak nie saak nie, sy sorg dat dit daar is. Haar hande staan vir niks verkeerd nie, haar huishouding is onder beheer.
Sy het selfs besigheidsvaardighede en kan goed met geld werk. Sy weet hoe om wins te maak, maar terselfdertyd is sy vrygewig en help arm mense waar sy kan.
Sy het ‘n edel en sterk persoonlikheid en praat met wysheid. Haar kinders en haar man is trots op haar.
Die wonderlikste van alles, sy dien die Here.
Werklik iets om na te streef!
Toortsie
Toortsie se Bantingboerekosboek Facebook page
Toortsie se Facebook page
Finesse Blogger of the week
Toortsie by Finesse: Het julle al gehoor van ‘n vreugdevas?
Toortsie by Pinterest
Plaasakkomodasie by Riversdal, Wes-Kaap
Ja, ‘n voorbeeld vir ons sowaar. Nou wonder ek net – dink jy hulle het ook soveel “stress” soos ons gehad? Ja, om die Here te dien is ‘n wins!
LikeLiked by 1 person
Ek wonder darem. Stress het mode geraak.
LikeLike
Ag hierdie Spreuke 31 vrou wie se lamp in die nag nie doodgaan nie maak my moeg. Wanneer slaap sy, wanneer lag en speel sy? Ek sal maar soos Abrie sê; sy stel die dwarslat te hoog…. vir my in elk geval.
LikeLike
Ja die vroeg opstaan kon ek ook nog nooit nadien nie. Jy is self ‘n Spreuke 31 vrou
LikeLiked by 1 person
O nee Madele… daarvoor is ek te lief vir my slaap!!!
LikeLiked by 1 person
Ie super woman! Wat my altyd opval is dat sy nie ‘onderdanig” aan haar msn was soos ons altyd geleer is en soos die ‘ gemeenskap van goedere’ huwelikskontrak in die outyd bepaal het nie. Sy was ook ‘n sakevrou. Sy koop self grond en….. Dit impliseer dat sy op haar eie belangrike besluite geneem het. Selfs in daardie oertyd. Wow!
LikeLiked by 1 person
Onderdanigheud, as dit reg gedoen word, is nie vir my ‘n probleem nie. Soos ou Ahasveros dit gedoen het, is beslis nie navolgenswaardig nie. Dis nie ‘n baas-Klaas verhouding nie.
Ek voel tog die man se rol is die hoof van die huis. So, ek het myself my lewe lank ontwikkel na die beste van my vermoë, ek was nie in kompetisie met my man nie. Ek het hom gegun om die hoof van die huis te wees. So, in plaas daarvan dat ek moes buig in onderdanigheid, het ek hom so hoog gelig soos ek moontlik kan, sodat ek ook in die proses my volle potensiaal kon ontwikkel en regop kon staan. Die geheim? Lig net jou man hoog genoeg ! 😁
LikeLiked by 1 person
Ek skiet so ‘n bietjie kort op alle punte, maar gelukkig hou my gesin darem van my.
LikeLiked by 1 person
Ek dink ons almal skiet iewers te kort en ons almal doen ons bes, en dit is genoeg en hoekom sal jou gesin nou nie van jou hou nie?
LikeLiked by 1 person
Ek dink ander mense wonder soms hieroor! Ek vermoed dis een van die redes hoekom die hele buurt se vrouens vir my man koek bak. Hulle kry hom jammer as hulle hoor sy vrou betree die kombuis slegs onder protes 😄
LikeLike
Ek sal hulle oë uitkrap!
LikeLiked by 1 person
Nooit! Dis tot my voordeel ook, haha.
LikeLiked by 1 person
Ek is te jaloers!
LikeLiked by 1 person
😕
LikeLiked by 1 person
Ek dink nie jaloesie is een van Spreukevrou se deugde nie. !
LikeLiked by 1 person
Nee, maar dis seker menslik. Ek is nie jaloers nie, maar dis nie ‘n “I don’t care” houding nie – dis net ‘n sekerheid van gemoed.
LikeLiked by 1 person
Dis goed.
LikeLiked by 1 person
Ek stem!
LikeLike
Toortsie jy het nou n mooi ding gese in jou kommentaar – Lig jou man hoog op. Dit gee n nuwe perspektief op onderdanigheid.
ń Baie mooi skrywe die van jou. Dit skilder met woorde.
LikeLiked by 1 person
Dankie. Ja ek glo regtig daaraan dat as ek my man hoog genoeg lig, daar genoeg ruimte vir my is om my kop ook op te tel. 😁 Weet jy, as mens dit doen, voel hy nie bedreig nie omdat jy nie in kompetisie met hom is en hom probeer oorheers nie. Hy bly steeds die hoof van die huis, maar jy het die vryheid om jouself uit te leef in veiligheid en beskerming van die hoof van die huis.
LikeLike