Toortsie skryf haar eie grafskrif

~ Toortsie

Noem ‘n mens dít nou galgehumor, of hoe? Hester se lê-jou-eier-opdrag vir die week: Skryf jou eie grafskrif.

Maar ek is nie bang nie, fools rush in where angels fear to tread, so dalk kan dít eendag op my graf staan: ‘Toortsie was nie bang nie. ‘ ‘Waaghalsig’. Geen bang haar op haar kop nie. Die waarheid? Toortsie is vrek bang! Hiermee daag ek dan nou vir julle almal uit: Skryf jou grafskrif. Skryf dit op jou blog, of as jy nie ‘n blog het nie, op Facebook en gaan plak dit by al die ander grafskriffies. Komaan, jou ma het mos nie ‘n bang kind grootgemaak nie!

Daar mag dalk ‘n klomp wees wat graag sal wil skryf dat ek eksentriek was. Of saam met dit dat hul my geselskap geniet het. Iets soos ‘Toortsie was FUN. ‘ Oeee maar Toortsie is ook ‘n skerpioen, so dalk sal die grafskrif lui: ‘Moenie op haar trap nie. ‘

Hier is egter ‘n dilemma by hierdie storie: My gat is onder my uitverkoop! Ons graf was klaar gegrawe, uitgebou en als. Al wat nog gekort het, was ek en manlief, die deksel en die steen. Nou is die grond verkoop en ek het nie meer ‘n graf nie. Ek hoor dat ons begraafplaas vol is en daar nog net plekke is in die gebied waar jy slegs met ‘n hopie sand en ‘n houtkruisie toegemaak word. Dan is hierdie oefening mos oorbodig.

Ek sou graag wou hê dat hulle van my sê soos wat my pa was, ‘n allemansvriend, maar helaas, ek dink nie ek kwalifiseer nie. Liefdevol. Hopelik dalk iets soos ‘hardwerkend’. Iets wat kan werk, is ‘Never a dull moment’, dink ek. Of, ‘met haar het jy nooit geweet nie’, bedoelende, ‘Enige iets is moontlik’. Ai jai jai. Wat van ‘Sy het haarself vele keer verras’ of ‘Sy het gedoen voor sy dink’ of ‘Die lewe is ‘n reis’.

Ek sal hou van ‘Altyd ‘n glimlag’ of soos een van my dogter se vriendinne gesê het, ‘Sy het altyd gesing.’

Dalk ‘Jack of all trades, master of none.’

Of ‘Familiemens’.

Die grootste kompliment wat hulle my mag gee? ‘Sy was ‘n kind van God.’

So, dis my storie. Wat is joune?

Toortsie

English Blog Posts

Toortsie se Bantingboerekosboek Facebook page

Toortsie se  Facebook page

Finesse Blogger of the week

Toortsie by Finesse: Skemerkelkie

Toortsie by Pinterest

Plaasakkomodasie by Riversdal, Wes-Kaap

 

Om die inskrywings van verskillende bloggers in Lê-Jou-Eier te geniet of om self ‘n eier te kom lê wat ons kan uitbroei en grootmaak, klik op die volgende InLinkz skakel:

Vir die reëls van hierdie eier-boerdery, om raad te kry oor hoe om deel te neem en om elke week se aankondiging van die nuwe onderwerp te sien, besoek die volgende skakel by Dis Ekke. Onder hierdie kategorie, kyk na die blogposte Lê-Jou-Eier: Reëls (2017-08-22) en Lê-Jou-Eier: Hoe neem ek deel? (2017-08-22). Laasgenoemde blogpos is opdateer op 2017-09-05.

Advertisements

Published by Toortsie

'n Flitsliggie wat oral inskyn, ook waar dit soms ongemaklik is... A Flashlight whose light shines everywhere, even on places where it is not so comfortable.

30 thoughts on “Toortsie skryf haar eie grafskrif”

  2. Genade Toorts, jy het so baie (idiomatiese 😀 ) grafskrifte vir jouself uitgedink dat jy ‘n hele begraafplaas kan voorsien met marmerstene of houtkruise. Ek sien darem jy het ‘n gunsteling een gekies hier heel op die einde, maar aangesien jou gat nou onder jou uitverkoop is, moet jy dit maar op jou facebook muur plaas. Dankie dat jy die bloggers so opsweep, en vir jou eie deelname natuurlik.

    Liked by 1 person

    Antwoord

  3. Hier lê die Toorts
    Uitgedoof? Moet dit nie glo!!!

    Jy is voorwaar fluks om so vinnig jou bydrae te kon lewer…. en soos Hester sê jy haan ‘n hele paar houtkruise nodig hê vir al jou grafskrifte. 😁

    Like

    Antwoord

Gesels saam, asseblief!

Verskaf jou besonderhede hieronder of klik op 'n logo om in te teken:

Gravatar
WordPress.com Logo

Jy lewer kommentaar met jou rekening by WordPress.com. ( Log Out /  Verander )

Google+ photo

Jy lewer kommentaar met jou rekening by Google+. ( Log Out /  Verander )

Twitter picture

Jy lewer kommentaar met jou rekening by Twitter. ( Log Out /  Verander )

Facebook photo

Jy lewer kommentaar met jou rekening by Facebook. ( Log Out /  Verander )

w
Kanselleer

Connecting to %s