Hester het ons gedagtes behoorlik op hol met haar idiome. Ek wou al oor nog geskryf het, en het gedink ek is nou oordadig.
Ons het op skool geleer dat, as die skoen jou pas, trek hom aan. Later het ek gehoor, as die skoen jou pas, trek die riempie vas. Ek hou baie meer van hierdie een!
Deesdae moet ‘n mens so versigtig wees met wat jy sê, jy kan net dalkies op iemand se tone trap en dan is die gort gaar. Die probleem is juis dat pap wat te dik aangemaak is, maklik aanbrand!
Mense is so sensitief deesdae en neem jou vreeslik kwalik as jy dalk ‘n sensitiewe snaar aanraak. Soms wonder ek of dit nie pleinweg onvolwassenheid is wat dit aanhelp nie. Ai, en hier trap ek al weer op tone, maar sommige voete is groot en party tone soek om getrap te word.
So, my vriend, as die skoen jou pas, trek die riempie vas. Kyk na daardie sensitiwiteit wat jou so diep raak, oordink dit en werk daaraan. Bou ‘n brug en kom daaroor. Wanneer daardie seer toon gesond is, kom jy dalk as ‘n sterker en beter mens anderkant uit. Komaan, trek jou sokkies op en werk aan daardie goedjies wat vir jou pla. Werk aan jouself en jou volwassenheid.
Groetnis
Toortsie
Toortsie se Bantingboerekosboek Facebook page
Toortsie se Facebook page
Finesse Blogger of the week
Toortsie by Finesse: Tot seën van ander
Toortsie by Pinterest
Plaasakkomodasie by Riversdal, Wes-Kaap
“Om die inskrywings van verskillende bloggers in Lê-Jou-Eier te geniet of om self ‘n eier te kom lê wat ons kan uitbroei en grootmaak, kliek op die volgende InLinkz skakel:
Vir die reëls van hierdie eier-boerdery, om raad te kry oor hoe om deel te neem en om elke week se aankondiging van die nuwe onderwerp te sien, besoek die volgende skakel by Dis Ekke.
Nuwe onderwerpe word aangekondig elke Donderdag om 12:00 en sluit outomaties na een week.”
Briljant!🤗
LikeLike
Dink ek trap tone raak!
LikeLike
Sien, dit is die rede waarom ek aandring om net leer vellies te dra. Benewens die feit dat hulle gemaklik pas, het ek dan ook iets om aan te kou terwyl ek met my voet in my mond sit vir een of ander onsosiale ding wat ek nou weer kwytgeraak het.
LikeLiked by 2 people
Sien jy nou! Onthou om die riempies mooi vas te maak.
LikeLiked by 1 person
Ek wonder of David Kramer nog daai rooi vellies dra?
LikeLiked by 1 person
Dis nou lekkerkry-praat. Vergeet van oordaad Suster, laat waai en skryf. Ons het nog twee dae oor om by daai skakel te las en daar is geen rede waarom ons nie ‘n opvolg kan doen nie. So, “laat jou hare hang” het ons altyd gesê. As ek tyd kry, wil ek ook nog wat te sê hê oor ons familiespreuke.
LikeLike
Dankie. Ek gaan nou die skakel byv
LikeLiked by 1 person
Byvoeg. Ek het dit op pad geskryf.
LikeLike
Jt is goed hoor..’n wandelinde woordeboek
LikeLiked by 1 person
Nee glad nie! Die woorde het sommer gebeur tie ek die oaar mooi skoene sien.
LikeLiked by 1 person
Vergewe my maar ek wil ook ‘n stuiwer in die armbeurs gooi. Jy het ons koppe nou goed gewas en daarom het ek ‘n appeltjie met jou te skil. As jy dink ek maak ‘n berg van ‘n molshoop is ek jammer, maar ek voel in die gesig gevat. Jy hoef nie bang te wees ek gaan jou tot by oom Daantjie in die kalwerhok slaan nie; daarvoor is ek te lig in die broek. Die poppe sou behoorlik gedans het, maar ek gaan die horings intrek, my strydbyl neerlê en dit afmaak as niks. Moet jy nou net nie op jou agterpote staan nie; ek het tong in die kies gepraat. 🙂
LikeLiked by 2 people
Ai jai jai! Het jy jou nou gewip?
LikeLike
Skrik ek nou my water skoon weg!
LikeLike
😂
LikeLike
Ek staan nou met ‘n mond vol tande!
LikeLiked by 1 person
Maar, soos ek sê, as die skoen jou pas … 😉
LikeLiked by 1 person
Nou moet ek ook gou n eiertjie lê. Jy vat nou n paar ouens lekker in die gesig. Wel gedaan, Toorts moet maar n Rosie op haar hoed sit dan is sy more weer goed!
LikeLiked by 2 people
Julle praat so erg idiomaties en tong in die kies, ek weet nie meer wat om te glo nie! 😁
LikeLike
Ja, dis n heerlike onderwerp om oor te skryf! Daar is regtig verskillende streeks idiome ook.
LikeLike
Ek moet nog loop soek, ons het al voorheen ook daaroor geskryf
LikeLike
Ja, ons taal is uitstaande beskrywend en so lekker om te gebruik.
LikeLiked by 1 person
Dis die eerste keer wat ek van die rosie in haar hoed hoor. Ons kan sowaar maar nog ‘n week oor idiome skryf…. daar is so baie van hulle. Mooi dag vir jou!!
LikeLike
Ek weet wel van ‘n blom in die hoed. 🙂
LikeLiked by 1 person
Toorts ek vra sommer hier. Hoe kry ek daardie blou paddatjie by my blog. Ek het verlede week sommer joune gebruik om by Hester se Link uot te kom.
LikeLike
Jy copy daardie hele storie en paste dit by jou.
LikeLike
Inkleur. Regskliek copy. Paste
LikeLike
Ok dankie…. as jy nie die paddatjie sien nie weet ek het verdrink.
LikeLike
Ek kan jou nie kom red nie, want ek kan nie swem nie!
LikeLiked by 1 person
My ma het dit altyd gesê as ons as kinders kwaad is vir mekaar. Volgende dag is dit weer vergete.
LikeLiked by 1 person
Welgedaan
LikeLike
😁
LikeLiked by 1 person
Baie oulik Toortsie. ‘n Vriend het gepraat van as iemand sê tone lank is word dit maklik raakgetrap.
LikeLiked by 1 person
Nou sien! Sommige mense het net lang tone en klaar!
LikeLike
En al word daar ‘n goue ring en naellak op die toon gesit – die tone bly lank en ek sal nou maar nie sê die aap se tone nie want dan trap ek daarop.
LikeLiked by 1 person
Presies! En dan kry jou eie voet dalk seer!
LikeLike
Ha, ha, dit was nou n lekker mond vol! Dis heerlik om so idiomaties te praat. Maak n koppie boeretroos dan Kêkkel ons lekker saam!
LikeLiked by 1 person
Eintlik wou ek kommentaar skryf oor die grasshoppers. My man het net grasshoppers gedra en my seun moes op skool hulle dra- hy haat hul tot vandag toe. Gelukkig kry mens nie hier grasshoppers nie!
LikeLiked by 1 person
Ek het vir my so ‘n navt/rooi paar bestel en vra: Wat maak ek as dit nie pas nie? En net daar ontstaan hierdie bloginskrywing toe!
LikeLike
Aaaa, wys jou hoe omstandighede jou brein prikkel. Al daardie inligting is iewers weggebêre.
LikeLike
Die mens se brein is net wonderlik. Mens het net die klap van ‘n vinger nodig om irts te herroep.
LikeLike
Beslis so. Sodra jy in rat is tel mens sommer spoed op en meer kom uit.
LikeLiked by 1 person