Kannie pruim sê nie

Lê-jou-eier: Idiome

Screenshot_2017-08-28-13-16-41-1Dit moet die eerste keer wees dat mev Google se geheue haar in die steek gelaat het. Ek het gevra, ek het gepor, ek wou net begin smeek toe ek besluit om self in haar pdf leêrs te gaan rondkrap – alles tevergeefs, daar bestaan blykbaar nie die idioom of ‘n gesegte wat lui “Hy kannie pruim sê nie,” Nou is ek niks wyser nie, maar aangesien my ma dit gebruik het, praat ek uit haar mond uit.

Op ‘n dag sit ek en die Engelsman (Ken) saam met my ouers om hulle eetkamertafel… en eet. ‘n Mens kan ander dinge ook om ‘n eetkamertafel doen. Bekkie; die stil man wat in die woonstel op hulle erf gebly het, se stoel is daardie dag leeg. My ma het vir hom ook in die aande kos gemaak. “Waar is Bekkie vandag” vra ek, waarop my ma antwoord dat hy vir die naweek weg is. Sy voeg terloops by dat hy nie pruim kan sê nie. Ek verstaan wat sy bedoel; Bekkie is so stil dat dit moeilik is om hom deel van die geselskap te maak.

‘n Tydjie gaan verby toe Ken uit die bloute kliphard “pruim” sê. Hy kyk na ons verbaaste gesigte, en sê hy verstaan nie hoekom Bekkie dit so moeilik vind om pruim te sê nie, hy as Engelsman kan dit dan sê. Natuurlik het ons dit gate uit geniet.

Skoenmaker hou jou by jou lees.

Hierdie een is vir Toortsie; het daarop afgekom in my nuttelose soekery na ‘n pruim: “So bang soos ‘n Bolander is vir donderweer.”

Om die inskrywings van verskillende bloggers in Lê-Jou-Eier te geniet of om self ‘n eier te kom lê wat ons kan uitbroei en grootmaak, kliek op die volgende InLinkz skakel:

 

Vir die reëls van hierdie eier-boerdery, om raad te kry oor hoe om deel te neem en om elke week se aankondiging van die nuwe onderwerp te sien, besoek die volgende skakel by Dis Ekke.

Nuwe onderwerpe word aangekondig elke Donderdag om 12:00 en sluit outomaties na een week.”

 

Advertisements
This entry was posted in 'In opdrag..... Bookmark the permalink.

61 Responses to Kannie pruim sê nie

  1. Die arme Ken sal seker nooit toegelaat word om die ou blapsie te vergeet nie! Ek ken die pruim, maar van die bang Bolander het ek nie geweet nie 😄 Is dit die waarheid Toortsie; is julle ‘n ou klomp bangjanne? Kameel, gaan jy hierdie een deurskakel na InLinkz toe? Laat weet as jy hulp nodig het. Ons soek nog inskrywings … ek gaan ‘n aggressiewe bemarkingstrategie moet toepas 😡

    Like

  2. AWETHENTIQ sê:

    Dis letterlik so dat mense foto’s neem en op die koerante se voorblaaie sit as daar donderweer is in Kaapstad. Een aand, rondom 2014-2015 se koers, het iemand daarin geslaag om die heel enigste blits af te neem. Dit was op die voorblad die volgende oggend! Mense hier skrik regtig groot, want niemand is swaar weer gewoond nie. As oud-Vrystater verlang ek daarna, die mooiste ding in die Skepping, ons Heer se eie laservertoning. Dis nou meer as “pruim” gesê.

    Liked by 1 person

    • Kameel sê:

      Ek is bly jy het meer as pruim gesê!!! Jy laat my aan my man dink met sy liefde vir donderweer. Hy trek die gordyne oop en gaan sit voor die venster om die vertoning te aanskou. Ek sien God se grootheid daarin…. maar dit is oorweldigend.

      Liked by 1 person

      • AWETHENTIQ sê:

        Ons doen dit ook. Gordyne oop, ligte af, hot chocolate en toasted cheese, dan kyk ons die laser show. Waar is daardie dae tog! Ja, die donderweer kan erg raak, die Suid-Vrystaat het die swaarste weer in SA. Jou man sou ‘n kuiertjie by ons geniet het.

        Liked by 1 person

  3. aj vosse sê:

    Soos antie googel weet ek ook nie van pruim sê nie! En net so by the way… nie alle Bolanders is bang vir die donderweer nie!! 😉

    Liked by 1 person

  4. Toortsie sê:

    Ek is gelukkig nie ‘n Boelaner nie! Maar vir donderweer is ek baie bang. Ek kruip sommer agter ‘n flipfile weg! 😱

    Liked by 1 person

  5. “Nie pruim kan sê nie.” Baie sedig wees. = Can’t say “boo” to a goose. PREUTS, SEDIG. (As mens pruim uitspreek, trek jou mond preutse plooie) Bron: Spreekwoorde en waar hulle vandaan kom. Anton F. Prinsloo. Pharos. 2004

    Liked by 1 person

  6. Breë glimlag… ek moet dit onthou…

    Liked by 1 person

  7. dromer777 sê:

    Dit pas nogal by iemand wat baie stil is. Ons het weer altyd gesê ‘hy kan nie ê sê nie’

    Liked by 1 person

  8. Ja-nee ek weet van die Bolanders wat so bang vir donnerweer is! Hul eet ook nie mieliepap soos ons Vaaljapies nie! Dis nou n lekker een: Hy kannie pruim sê nie. Dit klink soos ekke as ek in geselskap kom! Sprak geen sprook.

    Liked by 1 person

    • Kameel sê:

      Glimlag ek nou vir jou…. sprak geen sprook. Toemaar, eendag as ons saam kuier sal jy hoor hoe lekker sê jy pruim…. en nog meer.

      Like

      • Ha ha, jy ken my maar sleg. Ek kan so toe maak soos n skulp!(Ek haat dit natuurlik, maar nou ja! Ek probeer elke dag om oop te maak) My man het my darem gehelp om bietjie op te staan vir myself! Sien uit na die ontmoeting. Eendag sal dit nog gebeur gee net kans!

        Like

  9. Ek kan pruim se en pruime eet maar moet my asseblief nie laat pruim nie. Maar pruim sterf saam met die spoke uit.

    Liked by 1 person

Gesels saam, asseblief!

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s