Vir die oom wat nou die dag op die radio gepraat het en 65 jaar getroud is, is 32 jaar van getroude lewe ‘n kuikentjie, vir ander is die gedagte aan 32 jaar van getroud wees ‘n onwerklikheid.
Vandag, 32 jaar gelede, het ek met sterre in die oë en met die confetti dogtertjie se blommekransie in my hare, die kerkpaadjie afgestap. Intussen het baie water die see ingeloop, is ons berge en dale oor en skielik is dit 32 jaar later.
Saam het ons wonderlike ervarings gehad, die wêreld deurkruis, groot uitdagings aanvaar en aangepak, krisisse hanteer.
Dit was beslis nie elke dag maanskyn en rose nie, ons kom uit verskillende agtergronde en omstandighede, maar as ek die pad kan oorstap, doen ek dit beslis.
Daar word baie oor die huwelik geskryf, positief én negatief. Kinders beleef hul ouers se huwelike, of gebrek aan huwelike in hulle eie huise en raak bang of opgewonde daaroor. Kinders kry die idee van sprokieshuwelike in storieboeke en word dan ontnugter as hul eie huwelik nié die sprokieshuwelik is wat hul gedink het dit moet wees nie.
Net soos wat ‘n mens jou beste moet gee vir jou beroep om dit suksesvol te maak, moet jy ook jou beste in jou huwelik gee. ‘n Huwelik hou baie vreugde en genot in, maar verwag van jou jou beste.
Seks, kommunikasie, konflikhantering, mekaar dra deur swaarkrytye, liefdevolle aandag en tyd aan mekaar gee, en nog 70 ander dinge speel alles ‘n rol om dit te maak werk, want die huwelik is deel van die lewe. ‘n Huwelik wat werk, bring stabiliteit, dit help om gebalanseerde kinders groot te maak, is die ruggraat van ‘n gesonde samelewing.
Seks word soms oorbeklemtoon, ander kere as niks afgemaak. In ‘n huwelik waar gesonde seks is, speel seks amper geen rol nie, maar in ‘n sekslose huwelik, dra seks by tot 90 persent van die probleme wat daar gebeur. Wanneer die seks gesond en in plek is, kom die kommunikasie en die gelukkige samesyn en al die 70 ander goed outomaties in plek. En as God in jou huwelik is, is hou huwelik ook al halfpad gewen.
Nou ja toe, al wat ek wou sê, is, ek en my ou manlief is reg vir die volgende 32 jaar. Ons sal ons bes doen, oor berge en deur dale, deur die mooi en ook deur die swaarkry. Mag God ons huwelik beskerm soos wat Hy alreeds 32 jaar lank doen. Soms het Hy maar ‘n handvol met ons! 😱
The challenge of this week, is delta, and we have to place a picture of something that shows transition or change. To stay married for 32 years, there have to be love, life and also continuous change, transition, to get stronger in each other and to face the challenges of life.
Groetnis
Toortsie
Toortsie se Bantingboerekosboek Facebook page
Toortsie se Facebook page
Finesse Blogger of the week
Toortsie by Pinterest
Baie geluk! Vertrou dat julle nog vele, gelukkige en geseënde jare saam sal wees.
LikeLiked by 1 person
Baie dankie! 😁
LikeLike
Baie geluk en seënwense.
LikeLike
Baie dankie!
LikeLike
Baie geluk!
LikeLike
Baie dankie! 😁
LikeLike
♪ Kinders by dosyne…♪ nee wag. Verkeerde versie.
♪ Lank sal hul lewe, lank sal hul lewe♪
Baie geluk en voorspoed vir nog soveel.
LikeLiked by 1 person
Man, ek het nog altyd op ‘n ou laatlammetjie gehoop, maar my rug pla nou so, ek dink nie ek sal meer die swangerskap oorleef nie!
Dankie, dankie dankie!
LikeLike
Baie baie geluk. Jy was omtrent ‘n pragtige bruidjie
LikeLike
Baie dankie. Bruide is mos datem gewoonlik mooi. 😁
LikeLike
Geluk van my kant af ook, Toortsie. Jy het mooi geskryf oor die wel en weë van ñ huwelik. Soveel waarheid uit die mond van een wat weet waarvan sy praat.
LikeLiked by 1 person
Baie dankie. Het nog baie te leer ook.
LikeLiked by 1 person
Mag daar nog baie jare van geluk en vrede in jou huwelik wees
LikeLike
Baie dankie
LikeLike
Wat sal ons van al hierdie dinge sê? Alles wat mooi is vir die jare wat voorlê Toorts.
LikeLike
Dankie Kameel. 😁
LikeLike
My congratulations! You look like a true Hollywood couple! Wish be it so. 😉
LikeLike
True Hollywood couple, you say! 😁
LikeLiked by 1 person
Baie geluk
LikeLike
Baie dankie
LikeLike
Van harte geluk, Toortsie, met beste wense vir nog baie jare saam – almal daarvan gesond en gelukkig!
LikeLiked by 1 person
Baie dankie
LikeLiked by 1 person
Jy lag so pragtig in die fotos. Ek is seker julle kyk steeds met net soveel liefde en bewondering na mekaar. Baie geluk 32 jaar is ‘n prestasie.
LikeLiked by 1 person
Baie dankie
LikeLiked by 1 person
Mooie jong paartjie met sterre in hul oe. So bly julle sien nog die sterre in mekaar se oe
LikeLiked by 1 person