Verslawing oorwin?

Op 27 Julie 2017 sal dit drie jaar wees vandat ek begin het met Banting. Iewers het ek dit een van my mikpunte genoem: Om vir drie jaar uit te hou, omdat iemand een keer vir my gesê het dit neem drie jaar om ‘n verslawing te oorwin.

Ek is nie so seker daarvan of ‘n mens ooit ‘n verslawing totaal kan oorwin nie. Jy kan leer om dit te beheer, maar na my mening is dit ‘n siekte wat, as jy dit een maal het, jy dit nooit heeltemal kan afskud nie.

Alkoholisme is ‘n progressiewe siekte wat erger raak selfs al drink die persoon vir jare nooit. Wanneer hy dan weer begin alkohol gebruik, selfs na baie jare, verval hy sommer gou weer in die alkoholisme.

Ek het te min kennis van suikerverslawing om te weet hoe dit werk. Ná amper drie jaar het suikerloos vir my ‘n leefstyl geword en is ‘n soetding vir my walglik soet. Ek kry wel nog soms lus vir ‘n soetigheid en kry myself geflous met xylitol.

Maar daar is een ding wat ek weet: Die res van my lewe sal ek suiker met respek moet behandel. Daar sal nie ‘n tyd kom wat ek kan sê dat ek weer suikers en stysel kan eet op ‘n gereelde basis nie, dalk as ek oud en afgeleef in die ouetehuis is eendag!

Of die plaasvervangers goed is of nie, is natuurlik ‘n ander debat, maar ek is dankbaar dat ek soms vir my ‘n tert kan maak en nie afgeskeep hoef te voel as almal heerlik aan soetighede smul nie.

Groetnis

Toortsie

English Blog Posts

Toortsie se Bantingboerekosboek Facebook page

Toortsie se  Facebook page

Finesse Blogger of the week

Finesse:  Koop tyd

Toortsie by Pinterest

Plaasakkomodasie by Riversdal, Wes-Kaap

 

Advertisements

About Toortsie

'n Flitsliggie wat oral inskyn, ook waar dit soms ongemaklik is... A Toortsie is a small flashlight, like a torch.
This entry was posted in Banting, LCHF, Kosdinge, Verslanking. Bookmark the permalink.

18 Responses to Verslawing oorwin?

  1. travel460 sê:

    As ons besef waarvan ons ons moet weerhou, is dit sekerlik reeds ń oorwinning. Die oorwinning in die denke is maar die belangrike een.

    Liked by 1 person

  2. Olga sê:

    Good for you. Ek raak ook soms so lus vir ‘n soetigheidjie dat ‘n vinger vol katjiebotter maar die job moet doen. Ek is nie ‘n banter nie. Drink net sedert my tienerjare nie koffie of tee met suiker in nie en drink soveel tee, dat ‘n koekie of snytjie iets nie ‘n opsie is nie. Go Toortsie.

    Liked by 1 person

  3. Vir my as soettand sal seker ook maar altyd ‘n uitdaging bly. Gelukkig is ek nie veel oorgewig, maar bly lief vir’n soetdingetjie …

    Liked by 1 person

  4. Ek is doodbang vir suiker maar soms kan ek net nie anders as om op ‘n suiker “binge” te gaan en daarna bitter spyt daaroor te wees. Ek kry die ergste hoofpyne van suiker.

    Like

  5. Ek stem 100% saam met jou, as jy eenmaal verslaaf aan iets is gaan jy altyd versigtig moet wees. Iemand na aan my sukkel baie met verslawing en dit werk presies soos jy sê. Ek glo wel dat jy deur God se hulp verslawing kan wen, maar die duiwel bly listig en die versoekings gaan altyd kom. Ek voel regtig jammer vir mense wat meer vatbaar vir verslawing is as ander. Ek wonder of dit ‘n gene ding is? Geluk met jou amper 3 jaar van oorwinning. “Keep it up!” 🙂

    Like

  6. Baie geluk met die drie jaar van suikervry. Versoekings sal altyd kom, maar dis goed dat jy weet waar die swakplek is en dit te vermy.

    Like

Gesels saam, asseblief!

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s