Ek is bekommerd oor Ursula

~ Toortsie

Vandat ek begin inpak het, eintlik van die begin van die jaar af, het ek Ursula nog glad nie gewaar nie. Dis ietwat lank, hoor! Ek kan dit glad nie verstaan nie. Maar om die waarheid te sê, ek was nog die heeltyd so besig, ek het ook nie eintlik veel aan haar gedink nie.

Kyk, sy het haar mos vreeslik vererg omdat ek soveel aandag aan die kamtige Sarel gegee het en sy heeltemal te min aandag gekry het met my dogter se troue, maar regtig, dit raak nou ‘n bietjie lank!

Sy is mos ook baie fyngevoelig en dalk voel sy ongemaklik oor ‘n sekere persoon se bekommernis oor my assosiasie met haar. Dalk het sy besluit om maar eerder iemand anders se Alter Ego te word!

Ek is natuurlik ook bekommerd dat sy my by ons plaashuis gaan soek. Sal sy weet waar om my te kry?

Toe het iemand gewonder of sy nie dalk gevange geneem is op ‘n seerowerskip toe ons Desember by Struisbaai was nie. Hoe sal ons weet? Dalk is Sarel ‘n seerower! Ontstellend!

Ek het ook gehoor van ‘n trekkery in Durban waarby ‘n Ursula betrokke is en my hart het amper gaan staan! Is dit dalk my Ursula?

Maar weet julle wat, toe ons orkes Donderdagaand die begeleiding oefen vir Sondag se diens, hoor ek so hier en daar so ‘n yl stemmetjie uitkom wat vir my baie na hare klink. Dit was ietwat vreemderig, maar ek wil al dink dat dit sy is. So vir al wat jy weet, is Sarel ‘n kerkmuis! Dalk is sy iewers in ‘n kamertjie in die kerk versteek! Maar as dit die geval is, glo ek, sal ons mekaar weer kan opspoor as ons musiek maak!

Groetnis

Toortsie

(Suiwer verbeelding van Toortsie)

English Blog Posts

Toortsie se Bantingboerekosboek Facebook page

Toortsie se  Facebook page

Finesse Blogger of the week

Finesse: Wat maak die verskil?

Toortsie by Pinterest

Gepubliseer deur Toortsie

'n Flitsliggie wat oral inskyn, ook waar dit soms ongemaklik is... A Flashlight whose light shines everywhere, even on places where it is not so comfortable.

27 thoughts on “Ek is bekommerd oor Ursula”

  2. Die opnuut kerkerige Ursula sing effe skamerig om nie die bladmuisiek te vervals nie. Of so reken ek. Anders drink sy gemmerbier by Van Brakel se Stoor.

    On 25 Mar 2017 12:01, “Toortsie, Kameel en Bokbaaivygie se blog” wrote:

    > Toortsie posted: “Vandat ek begin inpak het, eintlik van die begin van die > jaar af, het ek Ursula nog glad nie gewaar nie. Dis ietwat lank, hoor! Ek > kan dit glad nie verstaan nie. Maar om die waarheid te sê, ek was nog die > heeltyd so besig, ek het ook nie eintlik veel aan ” >

    Liked by 1 person

    Antwoord

  4. Moenie bekommerd wees nie. Ursula is nie weg nie. Sy is net stil en effens in haarself gekeer, Ons moet ook soms ons van ander onttrek. Om weer in beheer te kan wees. Luister net baie mooi. Sy fluister al klaar vir jou.

    Like

    Antwoord

  7. Toorts asb vind jou Ursula. Ek begin al skuldig voel dat ek die oorsaak is dat sy wegkruip. Ursula wat saam met Radley in Shelly Beach bly is toe nie jou Ursula nie. Sy praat te sag en is te prim en proper.

    Like

    Antwoord

    1. Oe lekker lag ek vir jou!
      Sy is hier iewers, ek het haar vandag weer hoor sing in die kerk. Hierdie keer baie duideliker.
      En ek dink jy’s reg oor die Ursula in Natal. Klink nie soos sy nie! 😁😜

      Like

      Antwoord

Gesels saam, asseblief!

Verskaf jou besonderhede hieronder of klik op 'n logo om in te teken:

Gravatar
WordPress.com Logo

Jy lewer kommentaar met jou rekening by WordPress.com. ( Log Out /  Verander )

Twitter picture

Jy lewer kommentaar met jou rekening by Twitter. ( Log Out /  Verander )

Facebook photo

Jy lewer kommentaar met jou rekening by Facebook. ( Log Out /  Verander )

Kanselleer

Connecting to %s