Soos gepubliseer by Finesse se Voelgoedblogs. Hierdie is die stukkie wat in die Finesse tydskrif gepubliseer was.
Foto’s
Vroeër was dit mos altyd ‘n pyn om ‘n foto geneem te kry as jyself ook in die foto wou wees. Was jy op reis, moes jy maar ‘n vreemdeling vra, jou kamera in sy hand stop en hoop vir die beste. Netnou doen jy dit weer vir iemand anders!
Toe kom kameras met tydskakelaars. As jy net ‘n behoorlike neersitplek vir jou kamera kon kry, kon jy darem ‘n redelik skaflike foto neem binne die volgende drie of tien sekondes. Ekself vertel graag hoe ons ‘n foto tussen die canolablomme wou neem en ek toe met ekstra hoë hakke in die land moes hardloop, net om ámper betyds op die regte plek te kon staan.
Deesdae is selfies aan die orde van die dag. Ek sukkel maar daarmee, ek kyk op verkeerde plek en skeel oë wys op die foto. In Edenburgh probeer ek en my broer ‘n onsie neem met die katedraal se toring in die agtergrond, maar daar was net nie genoeg plek vir ons albei én die kerk nie!
Bo-op Sinaiberg sing ons groepie ‘Op berge en in Dale’ uit volle bors. Daar staan ‘n Indonesiese paartjie en sing in hulle taal saam met ons! Hulle vra of hulle van ons ‘n foto mag neem.
Daarteenoor kan ek nie anders as om te dink aan die Japannese vrou wat stoksielalleen in Hermanus rondloop met haar selfiestok en haarself orals afneem nie. Sy pla niemand nie, maar toer sy alleen? Proe sy die vreugde van saamwees? Het sy iemand met wie sy haar ervarings kan deel?
In Switserland by Charlie Chapman se standbeeld sit daar mense wat vreugde put uit al die lawwighede wat die mense maak as hulle hulleself saam met hom afneem.
Dis selfies, onsies, ekkies, jy’tjies. Laat ons nooit die vreugde van saamwees verloor nie.
Groetnis
Toortsie
Toortsie se Bantingboerekos Facebook page
Toortsie se Facebook page
Finesse Blogger van die week
Toortsie by Finesse: Liminal Daily Post: Liminal
Toortsie op Pinterest
Mense wat alleen is kry nogal swaar om hul omswerwinges af te neem nie. Ek is n alleen toerder . As ek dit nie op my eie doen nie sal die lewe maar saai wees. Nou met die selfies werk dit nogal. Dit bly egter maar grillerig om jouself so af te neem
LikeLiked by 1 person
Ja soms kan jy net nie anders nie. 🙂
LikeLike
Gelukkig pas mens aan en vra sommer n vreemde ou om gou n foto te neem! 🙂
LikeLiked by 1 person
Ek hou glad nie van my eie fotos nie, maar manlief sorg gelukkig dat daar altyd skelm fotos van sy vroutjie iewers oppop.
LikeLiked by 1 person
My manlief hou ook nie daarvan dat daar foto’s geneem word nie, of dis hoe dit voorheen was, maar wys tog te graag vir ander sy foto’s.
Nou is hy ‘n bedrywige fotograaf.
LikeLiked by 1 person
Ek werk daaraan, Toortsie, want mens moet tog goeie herinneringe kan wys ook.
LikeLike
Ek en my dogter dra gewoonlik kameras saam waar ons kan en ons kry baie versoeke om fotos te neem vir vreemdelinge. By die Oribi Gorge ‘n paar weke terug het ‘n jong Japanese outjie wat met gebaretaal kommunikeer het, sy kamera aan ons oorhandig om ‘n foto vir hom te neem waar hy met arms uitgestrek op die randjie van die afgrond staan, so asof om te sê “die wêreld behoort aan my!” Dit was so sweet.
LikeLiked by 1 person
Oulik!
LikeLiked by 1 person
Die tieners met hul selfies maak my moeg…. dan tuit hulle nog hulle lippe ook so. Maar fotos is baie belangrik!!!!
LikeLiked by 1 person
So, vandag het die 300 000e persoon hier by hierdie blog kom lees!
Sjoe!
Dankie!
LikeLike