2016 Waar lees jy lekker? Toortsie se keuse

Hierdie is ‘n blogspeletjie wat ten doel het om ons blogs, verkieslike Afrikaanse blogs, ‘n bietjie blootstelling te gee.

Hoe dit werk:

1. Dis totaal vrywillig. Jy hoef net deel te neem as jy regtig wil.
2. Dit sal baie lekker wees as jy deelneem.
3. Word jy benoem? Hartlik geluk! Dit beteken iemand lees graag by jou!
4. Noem jou bloginskrywing: 2016 Waar lees jy lekker? (jou naam) se keuse.
5. Bedank die persoon wat jou benoem het en tag die bloginskrywing waarin jy benoem is. (Omdat soveel mense vra: Kliek op bloginskrywing se opskrif, kleur die URL in, regskliek, copy; Dan in jou beheerpaneel waar jy die bloginskrywing skryf, kleur die woord in wat verwys na die persoon wat jou benoem het, regskliek en paste.)
6. Herhaal die eerste sin in hierdie bloginskrywing, asook die reëls, sodat die volgende persoon ook weet waaroor dit gaan.
7. Benoem 3 tot 5 bloggers/blogs waar jy graag lees en sê ook hoekom jy graag daar lees. Onthou om elkeen op dieselfde manier te tag. Kliek op ‘n bloginskrywing, kleur URL in …
8. Jy mag iemand benoem wat alreeds benoem is, maar veral nuwe name is ook altyd welkom.

So waar lees ek graag? Ek lees op so baie plekke en was nog nooit goed met lysies maak nie, so ek benoem graag ‘n paar bloggers waaraan ek op hierdie oomblik dink, in geen spesifieke volgorde nie:

1. Bali Drome. As iemand wat self lief is vir rondreis, geniet ek haar Bali-stories geweldig baie.
2. Rondomtaliedraai, wat altyd sorg dat daar ‘n glimlag op ons gesig is met haar pittige foto’s.
3. Dirkie het net ‘n manier van skryf wat ek nog nêrens anders teëgekom het nie. Kostelik. Ek geniet elkeen van haar inskrywings geweldig baie.
4. Hester is net so ‘n uitstekende skrywer.
5. Son skryf nie meer so baie nie, maar wanneer sy wel skryf, lees en luister ons.
6. Ek weet ek oortree nou, maar … Thulana met haar Ghana stories.
7. Mag ek maar nog een noem? Asseblief? Net nog die enetjie? Lief God Grootliks.

Neeee! Dit kan nie wees nie! Ek wil nog BAIE name noem! Maar nou is dit julle beurt. Speel saam, toe!

Groetnis

Toortsie

Toortsie se Bantingboerekos Facebook page

Toortsie se Facebook page

Finesse Blogger van die week

Toortsie by Finesse: Selfondersoek en vriende

Toortsie’s LCHF Journey 

Toortsie op Pinterest