Hester het ‘n goed deurdinkte bloginskrywing gemaak oor fundamentele egtheid. Wat onthul jy op sosiale media en wat nie?
Kyk, misverstande ontstaan vinnig, of dit nou in persoon is, per sms, e-pos, alle vorme van sosiale media. Soms plaas mense doelbewus goed met ‘n byt in omdat hulle iemand wil bykom, soms word iets doodonskuldig geplaas, maar iemand het lang tone wat graag getrap wil word, wat soek om getrap te word. Soveel keer kry Facebook dan die skuld. Dan word Facebook as die duiwel self afgemaak.
Persoonlik voel ek Facebook of blog of wat ook al is net ‘n verlengstuk van my sitkamer. Soos ek in my sitkamer met vriende kuier, netso doen ek dit op faceboek of my blog. Lees julle op my blog, kuier julle in mý sitkamer. Lees ek by jou, is dit so goed dat ek in jou sitkamer by jou kuier. Dieselfde respek wat ek in jou huis teenoor jou betoon, behoort ek op jou blog of ander sosiale media te betoon.
Ekself verkies om positiewe goed te skryf. Ek het genoeg tjollas in my lewe om my blog en faceboek ook nog te kom besoedel! Sou ek wel iets oor my negatiewe ervarings skryf, sal dit ten doel hê om iemand anders wat ook in die afvoerpype ronddwaal, te probeer ophelp en moed gee.
Sommige van ons hou daarvan om al die wasgoed op die draad uit te hang, ander nie. Soos Hester sê, net soos in die gewone lewe ook. Ons kies mos in ons gewone lewe ook wat ons vir die buitewêreld wil wys en wat nie!
En as daar van ons is wat ‘n fiktiewe, fantastiese omgewing op ons sosiale media wil skep, hoekom nie? Dis dalk vir daardie persoon ‘n heerlike ontvlugting.
Die lekkerte is mos dat ons mag kies wat ons lees of nie!
Toortsie
Toortsie se Bantingboerekos Facebook page
Toortsie se Facebook page
Finesse Blogger van die week
Toortsie by Finesse: Doen dit vandag nog
Toortsie’s LCHF Journey
Toortsie op Pinterest
toortsie.com 
Bwahahaa – “lang tone wat graag getrap wil word”!
LikeLiked by 2 people
Ken jy ook sulkes?
LikeLiked by 1 person
Ek trap self baie versigtig, dus weet ek nie eintlik wie so is nie – dis net so ‘n kostelike beeld!
LikeLike
Mooi gesê…ek hou van jou vergelyking met ‘n kuier in jou sitkamer.Gesigloosheid maak die massas dapper om ongeskik te wees.
LikeLiked by 2 people
Dankie. Ek hou weer van jou ‘gesigloosheid maakdie massas dapper’.
LikeLiked by 1 person
Dankie vir die skakel na my blog toe Toortsie. Jy het dit nou mooi saamgevat – moenie met my ongeskik wees in my sitkamer nie en ek sal jou huisreëls eerbiedig wanneer ek by jou kuier.
LikeLiked by 2 people
Netso. Hoop nie ek het jou te veel herhaal nie!
LikeLiked by 1 person
Ek sal net gevlei gevoel het!, maar ek dink nie jy het nie. Dis nogal ‘n onderwerp waaroor mense voortdurend gesels en nie altyd saamstem nie. Ek is bly daar is nog mense wat soos ek voel.
LikeLiked by 1 person
Baie mooi gesê, Toortsie! Ek kuier lekker in jou sitkamer!
LikeLiked by 1 person
Baie dankie!
LikeLike
‘ IN DIE AFVOERPYPE…” Toortsie, jy het verander in ‘n meester!
LikeLike
Dankie!
LikeLiked by 1 person
Kan jy my dalk asseblief, verduidelik, hoe sit ek daardie skakel op, sonder om elke keer die hele adres te plak. Groot seblief!
LikeLike
Praat jy van die skakel as jy bv na ‘n bloginskrywing verwys? Ongelukkig moet my maar die hele adres plak.
So jy kliek op die bloginskrywing waarna jy verwys. Kleur die URL (adreslyn) in. Regskliek. Copy.
Gaan na jou storie wat jy skryf. Kies die woord wat as skakel sal dien in jou storie. Kleur die woord in. Regskliek daarop en paste.
Antwoord dit jou vraag?
LikeLike
Baie dankie, ja, presies dit. Ek sal hierdie elders plak, waar ek maklik daarna kan verwys en sal seker bietjie oefen kort, voor ek dit sal kan doen. Baie dankie
LikeLike
Regtig maklik
LikeLike
Ja hier stem ek elke keer saam … gevegte, onnadenkende argumente en hoogsnegatiewe goed pas nie in jou lekkerste kuierplek nie
LikeLike
Netso!
LikeLiked by 1 person