Christine Caine vertel in ‘Unashamed’ van die dag wat sy laat was, gejaagd om betyds vir haar eksamen in die ander kant van die stad te kom, en in die haas op verkeerde trein beland het. Dít het meegebring dat sy heelwat later op totaal verkeerde stasie beland het.
Haar waarskuwing? Hou jou gedagtes in toom! As ons toelaat dat ‘n verkeerde gedagte in ons koppe posvat en kans gegee word om sy gang te gaan, dit is soos om op verkeerde trein te klim. ‘n Negatiewe gedagte wat vrye teuels gegee word, het die neiging om jou net negatiewer en negatiewer te maak, jou hele dag/week/jaar te beïnvloed, jou optrede te beïnvloed. En dit is só verskriklik waar!
Ons hét beheer oor ons gedagtes, ons kán ons gedagtes in toom hou … uhm … ja. Soms kry ek dit reg, ander dae nie. Soms is dit amper onmoontlik!
Ons kan nie altyd beheer wat ander mense aan ons doen nie, ons kan nie help as hulle ons so bombardeer dat dit ons gedagtes wil oorneem nie, maar wat ons daarmee dóén, dís die vraag. Gaan ek toelaat dat ‘n onnadenkende epos of sms of wat ook al, my hele dag/week/vakansie bederf? Of gaan ek doelbewus besluit dat ek nie op daardie trein gaan klim nie, dat ek nie gaan toelaat dat die persoon beheer oor my gedagtes neem nie?
Dis beslis nie maklik nie, maar moontlik, en as ons daarop konsentreer, kan dit tog gedoen word.
So, hóé kan ons dit doen?
Deur doelbewus op iets anders te fokus. Deur hard en duidelik vir jouself te sê, hierdie is nou sommer nonsens, ek gaan nie toelaat dat dit my dag bederf nie.
Deur dit vir die Here te gee, en as jy dit oor 5 minute terugvat by Hom, dit weer vir Hom te gee en weer en weer en weer. Gee dit met ‘n aksie. Vat dit in jou kop met altwee jou hande en gee dit met albei arms vir Hom. Sing lofliedere.
Tel jou seëninge. Begin fokus op die honderde goeie goed wat God elke dag vir jou gee. Fokus op hoe Hy jou in die verlede uit krisissituasies gehelp het. Vertrou Hom. Loof Hom. Prys Hom. Glo dat Hy jou ook hierdeur sal help.
Bepaal jou aandag by jou werk, by dit wat jy vandag móét doen.
Maklik is dit beslis nie, ek weet! Maar moontlik, wel.
Kom ons klim op die regte trein!
Toortsie
Toortsie se Bantingboerekos Facebook page
Toortsie se Facebook page
Finesse Blogger van die week
Toortsie by Finesse: Net ‘n bietjie oogkontak
Toortsie’s LCHF Journey
Toortsie op Pinterest
Baie wyse woorde
LikeLike
Ek moet myself oor en oor daaraan herinner!
LikeLike
Take EVERY thought captive and bring it into obedience to Jesus Christ. Dit is duidelik dat ‘n mens nie een oomblik kan slaplê wanneer dit by jou gedagtes kom nie. Die lees is natuurlik baie maklik…. die doen ‘n ander storie. Partykeer vermoor ek my man tien keer ‘n dag voordat ek my gedagtes se teuels vasvat.
LikeLike
Net 10 keer? 🙂 o dis moeilik moeilik moeilik!
LikeLiked by 1 person
Mooi skrywe Toortsie.Toe ek die opskrif sien,het dit my laat terug dink aan my weermag dae toe ek altyd die trein van Simonstad na Kaapstad gery het en terug.’n Trein is soos tyd,hy wag vir niemand nie.Ons het die middernag trein gery,wat baie veilig was in daardie jare,soos Steve Perry se liedjie,”taking the midnight train going anywhere” Vandag ry ons die Gautrein wat nogal ‘n lekker rit is.As jy ooit hier in Pta kom is dit iets om te.
Groetnis.
LikeLike
Oeeeee die Gautrein. Iewers op my blog is ‘n storie daaroor. Ek sal loop soek en hom vir jou kom plak.
LikeLike
Hier’s hy: https://toortsie.com/2012/12/04/pretoria-jou-lekker-ding/
LikeLike
Goeie prentjie wat mens kan vorm, daardie gedagtes wat met die verkeerde trein en spoor langs loop.Ongelukkig is die trein gebind aan die spoor. Daar moet gestop word op n stasie, afgeklim word en dan geheel en al n ander trein gehaal word om by die bestemming uit te kom. Mmm moeilike besluit om te neem maar as die trein weer op die regte spoor is word alles sommer ligter en makliker. Het sommer die boek afgelaai op my kindle!
LikeLiked by 1 person
Hy lees ook lekker. Ek is amper klaar met hom, maar kry nou net nie tyd nie!
LikeLike
Ja, daardie tyd! Ek het in Februarie al n boek aangeskf oor “Habits”. Gister vertel my vriendin dan die boek baie interessant is. Dit klink toe nagal bekend. Toe ek verder die boek opsoek sien ek ek het hom, nog nie eers oopgemaak nie!
LikeLike
Ek sal 200 jaar oud moet word om al my boeke te lees. Nou is dit nog eboeke ook, so dit sal sommer net in die niet verdwyn.
LikeLike
Ha ha, ja jong ek stem saam. Die eboeke hoop ook op hier by my.
LikeLike
Voeg daarby dat ek ook moet leer om nie my mond oop te maak voordat my gedagtes nie op die regte koers is nie. *sug*
LikeLike
Oeee maar my mond is darem baaaue groter as my verstand! Teen die tyd dat my verstand inskop het my mond lankal gepraat!
LikeLiked by 1 person
Ek het presies dieselfde probleem!
LikeLike
Nou ek kan mos nie help as my verstand so stadig is nie!
LikeLiked by 1 person
Haha, dis ver van die waarheid af en ‘n swak verskoning.
LikeLike
Ag toe nou! 😉
LikeLiked by 1 person
Ek dog jy sal verstaan! 🙂
LikeLiked by 1 person
Natuurlik, maar ek weier om in die openbaar te erken dat my verstand stadig is. Dis my mond wat te vinnig is. Jy moet nou onderskei man, anders dink mense daar is iewers ‘n skroef los by ons 😀
LikeLike
Okay. My verstand is VREK VINNIG, maar my mond? Soos die spoed van wit lig! 🙂
LikeLiked by 1 person
NOU het jy dit! 😀
LikeLike
Maar ek wil darem nou nie grootpraterig raak hier nie! 🙂
LikeLiked by 1 person
Talente hoort nie onder die maatemmer nie …
LikeLike
🙂 Jy maak my dag vandag. 🙂
LikeLiked by 1 person
Reblogged this on Wag 'n Bietjie.
LikeLike
Wysw ware woorde!
LikeLiked by 1 person
Wyse….ai vingerglips!😄
LikeLiked by 1 person