L staan vir lawwigheid

En vir lemonade wat jy glo moet maak as die lewe vir jou met suurlemone gooi. Genade! Toortsie moes regtig op haar kop geval het daardie dag toe sy dít geskryf het!

Lag, lawwigheid. Dís die dinge wat jou lewe ligter maak. Wat is meer bevrydend as ‘n heerlike lagsessie, uit die maag uit, as jy en die kleinkinders mal, mal, mal is op die trampoelien en sommer net omval en lag en lag en lag?

L is vir die Leeu van Juda. Jy weet mos wie is Hy, né? En die Lydenstyd, die tyd voor Paasfees.

Lanterns met hulle kleine liggies, wat warmte gee en hoop in ‘n donker nag. Lig. Lig wat skyn. Lig vir die wêreld.

Om jou Laste Ligter te maak.

Leer. ‘n Leer waarmee jy hoog teen ‘n muur kan opklim. Maar ook leer jou lewe lank. Leer deur te studier, maar ook leer deur die lewe, leer deur jou foute, leer by ander.

Lalala, dis wat jy sing as jy nie die woorde ken nie! Ons skoollied het ‘n sin in gehad: “Tra la la la, dorp van Breda.” Een keer moes ons viertjies wat van Bredasdorp af gekom het op ‘n dogterskamp ons skoollied sing. Ek was so gespanne oor die Tralalala dat ek histeries aan die lag geraak het toe ons daar kom. Die hele saal het gekreeu soos hulle lag, vir my natuurlik, die trane en neus het geloop vir ‘n vale. Wel, niemand het ooit geweet WAAROOR ek so histeries aan die lag geraak het nie! Hul het nie die woorde gehoor nie!

Lamtietie, damtietie, doedoe my liefstetjie. Lief. Liefhê. Liefde.

Laatlam 🙂  Ek het altyd gesê ek wil ‘n laatlam hê. My ouma het twee kinders gehad, toe verloop 13 jaar, toe kry sy weer drie ná mekaar. Ek dink so ‘n laatlam hou ‘n vrou jonk. Helaas, my allerlaaste laatlam was lank ná die nader, maar ek was nog ‘n skrale 30 toe ek haar gehad het. Eintlik was dit lekker, ek kon jonk wees saam met haar.

Lojaliteit. ‘n Uiters kosbare ding wat ek tot in die uiterste sal beskerm. Maarrr … dit het al in my lewe dat ek my lojaliteit vir iemand verloor in baie uiterste omstandighede. Dit gebeur nie sommer nie, maar as dit gebeur. Ai, jai, jai. Ek kan op my een hand tel en dan is daar nog vingers oor, maar dit gebeur.

Lente. Dis lente in die Boland, kom hoor die Piet-my-vrou. Hy soek, soos alle mense, ‘n maat om mee te trou!

Liefde. Liefde wat vrees verdryf.

Groetnis

Toortsie

Toortsie by Finesse: Elektroniese afhanklikheid

Toortsie se Faceboekblad

 

Advertisements

About Toortsie

'n Flitsliggie wat oral inskyn, ook waar dit soms ongemaklik is... A Toortsie is a small flashlight, like a torch.
This entry was posted in A tot Z van blogging. Bookmark the permalink.

23 Responses to L staan vir lawwigheid

  1. Tra la la la? 😀 regtig!? Ek het self nou lekker gelag. Lawwigheid op sy tyd is goeie medisyne.

    Like

  2. Kameel sê:

    Tra la la la Toorsie laat almal lag 😀

    Met ‘n lappieskombers om haar gevou,
    dans sy loslyf op die lowergroen gras.
    Laat haar lewe, laat haar lag,
    Dis lafenis vir ‘n siel so vol van klag.

    Liked by 2 people

  3. Aww, ek het so gehoop jy gaan afsluit as “Loortsie”… Laatlam dwing my nog gereeld om dinge te doen wat nie by my ouderdom pas nie.

    Like

  4. seegogga sê:

    Lekker lawwe made le!

    Like

  5. Ek sou ook nie my lag kon inhou vir tra-la-la-la nie!!

    Like

  6. Neeeee jy het LEES vergeet!

    Like

  7. Lekker ligte lawwe lieflike leesstof….tralalaaaa!

    Liked by 1 person

Gesels saam, asseblief!

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s