Ek het hierdie boek, geskryf deur Corrine Hofmann, geweldig baie geniet. Dis ‘n ware verhaal.
Corrine Hoffman, ‘n Switserse meisie, het in die laat tagtigerjare saam met haar vriend in Kenia gaan vakansie hou. Met hul aankoms in Kenia het sy die Masaivegter gesien en onmiddellik op hom verlief geraak. Soveel so dat sy bereid was om haar hele lewe in Switserland op te gee en as Masaivrou in Kenia te gaan woon.
Corinne Hofmann skryf in ‘n lekker leesbare Engels. Dis ‘n pragtige verhaal van hoe sy alles in haar vermoë gedoen het om aan te pas, haar huwelik met die Masaiman, haar lewe in Afrika.
Ongelukkig het die kultuurverskille sy tol begin eis, veral ná die geboorte van hulle dogtertjie. Sy beskryf in detail die aanpassings wat sy moes maak, hoe dit haar gesondheid geraak het, hoe sy probeer het om ‘n sinvolle bestaan te maak.
Ek wil hierdie boek graag aanbeveel. Ek sien dat dit deel is van ‘n reeks van drie boeke. Hierdie boek gee ‘n goeie kykie in hoe die Masai leef in Kenia. Baie interessant.
Groetnis
Toortsie
Soek gerus vir Toortsie by Pinterest. Ek lys daar al die boekbesprekings wat ek doen, onder ‘Boeke’.
toortsie.com 
Dit klink interressant, dankie. Ek het al van die boek gehoor maar dit nog nie gelees nie. Ek sal dit onthou.
LikeLike
Dit lyk my dis al jare gelede geskryf. Ek het ook maar nou van hom gehoor.
LikeLiked by 1 person
Klink goed. Sal bietjie gaan kyk. Dankie vir die aanbeveling.
Voorspoedige nuwe jaar vir julle. (My eerste Toeka-Tokkel is al op rof geskryf!)
LikeLike
Dankie, vir jou ook! Skryf maar, ons sal ons bes doen!
LikeLike
Ek weet dis hoekom ek probeer voor kom met die storie. Geniet laaste twee dae v 2015
LikeLike
Eish! Ek glo nie ek sal myself so aan die liefde vergryp nie, maar dit klink interessant. Gaan kyk of ek die boek kan kry.
LikeLike
Ek wonder darem self! 🙂
LikeLike