We did it!

Ek wéns ek kon sê: “I did it!”, maar nee, “WE DID IT”!

20151210_105400[1] 20151210_105406[1] 20151210_143021[1] 20151210_143109[1] Die proef is vandag gefinaliseer! Hiehaaaaa! Yeay! Yesssss! Hahaooooooo!!!

Ek het gister die Here gedank vir elke fantastiese mense wat Hy op hierdie pad vir my gesit het. Dit was nie regtig op my bucket list nie, ek sou nooit dink dat ek so iets sou aanpak nie, die pad was vir my uitgelê. Dat dit ‘n aansienlik groter projek is was wat ek gedink het, is waar en dis beslis nie dieselfde as die Tameletjie Toortsie  wat ek een keer as ‘n Pay it Forward-projek gedoen het oor ‘n naweek nie.

Die ONS wat dit gedoen het, is:

My Hemelse Vader wat my hand vasgehou het, wat vir my raad gegee het as ek nie geweet het hoe nou nie, wat my ELKE KEER rustig gemaak het as ek angstig was, wat die Reuse saam met my beveg het. Hierdie sê ek nie om te dweep nie, ek sê dit omdat ek nie anders kan nie.

My man en kinders wat my hierin ondersteun het.

Lizelle du Toit van Die Wit Kombuis wat die stilering van die kos gedoen het, wat op kort kennisgewing beskikbaar was, soveel ekstra myle gestap het, my by ‘n fantastiese bemarker uitgebring het, wat selfs gereël het dat ek volgende week op Radio Overberg gaan praat oor my boek. Die bemarker het danksy haar ‘n persverklaring uitgereik wat my stomslaan. Asof dit nie genoeg is nie, help sy my ook met die reëlings rondom die Boekbekendstelling wat 22 Desember 2015 in die NG Kerk op Struisbaai sal wees.

Boekbekendstelling Is jy in die omtrek? Kom sê hello!

Lize du Toit is die fotograaf wat net so baie gedoen het op kort kennisgewing. Sy sorg ook dat my plakkate gedruk word, visitekaartjies, ens. Sy is te vinde by Photography by Lize.

My twee kinders in die Kaap. Hoe gaan ek julle bedank? My skoondogter het gesorg vir die uitleg van die boek, vir fyn detail, vir die voorblad, om my boek “myne” te maak, totaal uniek. Sy het gedoen en oorgedoen en nogmaals oorgedoen, met die drukkers gewerk as ek nie kon nie. Hy het dit gelees en gelees en gehelp met die verstellings van die program, die proef gaan optel. Ag, ek kan nie alles opnoem nie! Wenspan!

Twee vriendinne wat te midde van ‘n uiters besige program vir my raad gegee het, help proeflees het, bygestaan het, is DM en ons eie Seegogga. Twee juwele. En sommer my ander maatjie, Amaré, wat my aangemoedig het, moed ingepraat het.

Mega Digital is die drukkers. Hulle is nie sommer ‘n agterplaasdrukkertjie nie. Ek is hoogs beïndruk met hulle werk, hulle professionele aanslag. Die dame op die eerste foto is die persoon wat my help daar.

My dogter wat my elke keer rondkarwei het in die stad se verkeer.

Dankie almal! Die boek sal hopelik volgende week beskikbaar wees. Julle kan dit van Maandag af begin bestel  deur op hierdie knoppie te druk. Dis by Paypal en jy kan met jou kredietkaart betaal. Die prys daar is in Amerikaanse Dollars, ongeveer R195 – R200, afhangende van die wisselkoers.

 

Buy Now Button

Hier kan jy kyk waar dit te koop sal wees asook die nuutste inligting oor die boek.

Groetnis
Toortsie

Toortsie se Bantingboerekos faceboekblad

Toortsie, Kameel en Bokbaaivygie se faceboekblad.

Toortsie se Pinterest oor boeke.

Advertisements

About Toortsie

'n Flitsliggie wat oral inskyn, ook waar dit soms ongemaklik is... A Toortsie is a small flashlight, like a torch.
This entry was posted in Banting, LCHF, Boeke en flieks and tagged , , , , . Bookmark the permalink.

46 Responses to We did it!

  1. hester richards sê:

    wel aangenaam om jou uitelik face to face te sien ken jou al twee jaar deur Toortsie mag hierdie die eerste van vele wees pragtige feestyd vir julle toorsie groete hester richards

    Like

  2. Net Ek sê:

    Lekker om eindelik die famous Toortsie se gesig te sien!

    Baie geluk!

    Like

  3. Jeanne sê:

    Baie geluk met die boek! So bly om te kan sien hoe Toortsie lyk 😀 Kan nie wag om my kopie te bestel nie.

    Like

  4. dalenatjie sê:

    Baie geluk, well done!!

    Like

  5. Nou ja, daar gaat hy. Op sy pad die hoogtes in. Veels geluk en ek stem met Net Ek saam Famous beslis!

    Like

  6. Oelala, en ons voel bevoorreg om jou te ken. Ons is trots saam met jou.

    Liked by 1 person

  7. nowathome sê:

    Baie geluk!! Ek kan nie wag om een te bestel nie!

    Like

  8. Baie, baie geluk Toortsie!

    Like

  9. Baie geluk!… Ek gaan vir amal vertel

    Like

  10. Wow!!! Geluk! Saam mt jou bly én dankbaar!

    Like

  11. Olga sê:

    Way to go! Baie geluk.

    Like

  12. Veels geluk! Om daardie boek vas te hou, is amper so wonderlik soos om ‘n nuwe baba in jou arms te hou!

    Like

Gesels saam, asseblief!

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s