Ek het besoek ontvang van ‘n Egiptenaar en wou darem graag iets van die omgewing vir hom wys. Ons is toe na die De Hoop Natuurreservaat, ons kon nie lank vertoef nie, want tyd was beperk.
Vir die eerste keer in sy lewe sien hy toe… elande… sebras… volstruise (weet nie of dit die eerste keer was nie.)
‘n Hoogtepunt was natuurlik die walvisse, iets wat hy ook nog nooit gesien het. Dis die ding van Koppie Alleen, hy stel jou nooit teleur nie! As ‘n mens net reguit gekyk het, sonder om jou oë te draai, het jy vier walvisse gesien. Daar was BAIE! Sommige het net gelê, ander het met die sterte in die lug geswaai, party het gespring uit die water, geblaas… Toe ons begin terugstap, gebeur iets wat ek nog nooit gesien het nie. Ek het al gesien en gehoor dat hulle met hulle vin op die water slaan, maar hulle kom almal nader geswem en die een na die ander slaan hulle met hulle vin op die water, dat dit weergalm. Mens sou sweer hulle hou ‘n kompetisie… of dalk het hulle die boodskap uitgestuur dat daar ‘n Egiptenaar op die wal is, die ander moet kom kyk? Ek weet nie! Hulle het net aangehou en aangehou. 🙂
My niggie vertel dat die ou mense gesê het die walvisse bring ‘n boodskap. Dalk was dit ‘n boodskap van seën, A Message of Blessings vir die mense in Egipte, spesiaal hier van die suide af? Wie weet?
Soos dit nou nie op hierdie foto lyk nie… hier is BAIE walvisse!
Groetnis
Toortsie
Ek het dit ook al so gesien daar. Wat ‘m belewenis!
LikeLike
Ons gaan Oktober De Hoop toe.Ek het nog net een keer ‘n walvis gesien,dus is ek baie opgewonde.
LikeLike
Ek hoop van harte julle is gelukkig! Ek is nie seker tot wanneer hul daar is nie.
LikeLiked by 1 person
Blykbaar tot so einde Oktober.Dalk is ons gelukkig!
LikeLike
Joe, dis wonderlik! Kan net dínk die verwondering van jou gas!
LikeLiked by 1 person
Ek wens ons kon ook die walvisse van so naby af sien. Ons sien baie van hulle hier onder verbyswem en speel in die water, maar dis te ver om hulle mooi waar te neem.
LikeLike
Dieselfde by Struisbaai. Net op ‘n afstand
LikeLike
Ons sien hulle soms hier tussen die land en Rottnest Island maar daar’s nie so baie bymekaar soos jy beskryf nie, dit moet ‘n ongelooflike belewenis wees.
LikeLike
Ek het toe ek klein was laas ‘n walvis in lewende lywe in die see gesien… sal dit nooit vergeet nie
LikeLike
Oee woon jy ver van die see af?
LikeLiked by 1 person
Ja, ek is ‘n Pretorianer 🙂 EK is meer ‘n bosveld wolf as ‘n strandjutwolf lol
LikeLiked by 1 person
Ek is nou baie bly vir daardie Egiptenaar; dink net hoe ‘n lekker storie het hy om te vertel. 🙂
LikeLike
Ja, ek dink sy verblyf in SA is spesiaal. Orals word hy met ope arms ontvang.
LikeLike
Ja – ons is baie bevoorreg in SA met al die natuurskoon een diere.
LikeLike
Ek het vergeet om die kraanvoëls te noem!
LikeLike
Lekker storie! Ek was vroeër die jaar by ‘n vriendin op Maui. Een oggend op die strand lê ek en boek lees, toe daar sommer naby die vlakwater ‘n walvis met sy stert begin slaan op die water. Almal kyk en neem foto’s en hy gaan aan en aan en aan. Later is dit al amper 5 minute, en mens voel amper sleg om te dink “ok, hy kan maar nou ophou” want mens sit daar vasgenael en my boek was so interessant, hehe.
LikeLiked by 1 person