Toorts se Toeka Tokkel oor Pantoffels

In opdrag van Scrapydo. Sy sê ons moet oor pantoffels skryf.

Eendag, lank, lank gelede, ons was regtig baie arm, het ek die dag in die Kaap vir my ‘n paar Woollies pienk Stokies gekoop. Nie dat ek eintlik by Woollies gekoop het nie, ek kon dit nie bekostig nie, maar hierdie paar pienk Stokies was ‘n Woollies kopie. Lekker dik. Helder pienk soos spookasem. Ons het maar min in die Kaap gekom, en dit was sekerlik  my enigste aankope van die dag.

Die volgende oggend 5:30 vm maak my man my wakker. Dis koud, in die middel van die winter. Ek moet manne neem  om ‘n lorrievrag te gaan aflaai by ‘n boer, ‘n hele entjie van ons af. Ek trek ‘n sweetpak aan, en my pienk pantoffels, ek gaan mos net die manne aflaai! Ek moes van beter geweet het, my man het ‘n manier om maksimum uit iets of iemand te haal.

Net mooi toe ek daar kom wat die manne afgelaai moet word, roep hy oor die radio, dit was nog voor selfone, dat ek ‘n PART BY DIE KOÖPERASIE MOET GAAN OPTEL… Wat??? Ek het pantoffels aan!!? Ek dink ek moes nog ‘n paar ander draai ook ry.

Ek gaan tel die part op, en net soos ek uit die dorp ry, is daar nóg ‘n part nodig… en nóg een. Dis KOUD, daar is nie ‘n MANIER wat ek kaalvoet daar in die koue gangetjie by die parte sal staan nie. Dit raak later láát in die oggend… en mevrou staan daar met haar duidelike pienk pantoffels… en elke boer aan wie jy kan dink, moes juis daardie oggend parte kom optel by die koöperasie… en mev Toorts sou dit sekerlik nie ‘n geheim kon  hou nie, almal kon dit in elk geval duidelik sien!

Groetnis

Toortsie

Advertisements

About Toortsie

'n Flitsliggie wat oral inskyn, ook waar dit soms ongemaklik is... A Toortsie is a small flashlight, like a torch.
This entry was posted in Lawwighede; Tong-innie-kies, Toortsie se Toeka Tokkel stories. Bookmark the permalink.

27 Responses to Toorts se Toeka Tokkel oor Pantoffels

  1. Jou pingback het reg uitgekom by pantoffels!

    Liked by 1 person

  2. vuurklip sê:

    Synchronicity!
    Net voordat ek hierdie raaksien oor pantoffels het ek Gert Rautenbach se blog gelees oor Tolstoi en —- pantoffels!
    http://gertrautenbach.blogspot.com/2015/08/waarvan-mense-leef_11.html?utm_source=feedburner&utm_medium=email&utm_campaign=Feed%3A+GertRautenbach+%28Gert+Rautenbach%29

    Liked by 1 person

  3. Ha ha, dis nou uniek! Ek sien al jou met pienk pantoffels tussen al daardie stoere boere! Lekker gebeurtenis. Dankie vir jou storie. 🙂

    Liked by 1 person

  4. HesterLeyNel sê:

    En jou man het seker nooit agtergekom of verstaan waaroor jy omgekrap was nie?! Myne sou nie.

    Like

  5. ekmyselff sê:

    Bawhaaaaa…. 🙂 Ek het ook altyd die kids in my PJs en pantoffels bus toe gevat en as ek deesdae siek is of verlof het, neem ek hulle ook met PJs en pantoffels skool toe – hoop maar net altyd ek kry nie n pap wiel of word afgetrek nie.

    Like

  6. Haha!! Lekker lag ek nou!! Maar sekerlik het die mooi lipstiffie op jou lippie die aandag afgetrek van die twee spookasempies af…..;-)

    Like

  7. Kameel sê:

    Jy moes net nog krullers in jou hare, en sigaret in die mond gehad het. Dit sou prentjie mooi afgerond het 🙂 Maar dan weer…. daardie pantoffels was te “grand!!!”

    Like

  8. Hehe,gelukkig het jy nie krullers in jou hre en ‘n siggie tussen jou lippe gehad nie!

    Like

  9. Ai dis nou ‘n lekker storie. Mens moet dit vir kleinkinders en agterkleinkinders bêre

    Liked by 1 person

  10. nowathome sê:

    Ha ha , sou dit graag wou aanskou!

    Like

  11. Terug pieng: Toeka-Tokkel no 34 : Televisie- program/me | I scrap 2

Gesels saam, asseblief!

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s