Op ‘n vreemde, toevallige manier het ek by hierdie boek van Mark Coker uitgekom: “Secrets to E book publishing success”, en is dit nou ‘n inspirasie!
Mark Coker is die stigter van Smashwords, ‘n verspreider van selfgepubliseerde E-boeke en in hierdie gratis boek gee hy baie waardevolle raad, indien jy ooit ‘n E-boek sou wou publiseer. Nie net raai hy jou aan om jou beste moontlike boek te skryf nie, maar lê klem op klein dingetjies wat moontlik gemis kon word. Die boekie kan hier gratis afgelaai word.
Vir my is dit ‘n baie interessante en leersame boek, ongeag of ek ‘n boek wil publiseer of nié. Hy verwys ook na goeie bloginskrywings oor sekere onderwerpe, na nog gratis eboeke oor hóé om jou boek publiseerbaar te kry, die bou van ‘n platform, die bemarking. Heelwat van dít wat hy aanbeveel, kan ook op ander gebiede toegepas word, op ander goed wat jy dalk graag wil verkoop.
Dit voel soms of hy homself ‘n bietjie herhaal, maar nie soveel dat dit regtig steurend is nie, die goeie raad wat hy gee is soveel meer werd.
Ek is nog nie heeltemal vertroud met Smashwords nie, maar ek sien daar is ook Afrikaanse boeke… as ek net altyd weet hoe om by hulle uit te kom! 🙂 Indien die boeke aan sekere standaarde voldoen, publiseer Smashwords ook die boeke op ander groot netwerke.
Ek beveel dit graag aan.
Toortsie
Toortsie se Bantingboerekos Facebook page
Toortsie se Facebook page
Finesse Blogger van die week
Toortsie by Finesse: Eerder kwaliteit as kwantiteit
Toortsie op Pinterest
Dankie hiervoor, behoort heel interessant te wees.
LikeLiked by 1 person
Dankie,ek wens ek was ‘n skrywer!
LikeLike
Ai tog, toe kom daar eers verkeerde antwoord by jou kommentaar!
Ek wens ook ek was! 🙂
LikeLiked by 1 person
Was ons nou skrywers kon ons ‘n boek publiseer 🙂
LikeLike
Jý kan, Kameel. Jy kan al hierdie fantastiese lewensverhale in ‘n eboek saamvoeg.
LikeLiked by 1 person
Ons inkleurboekvrou het so e-boek en dit is baie gewild
LikeLike
Eboek wat sy self gepubliseer het? Inkleur?
LikeLiked by 1 person
http://naledibooks.co.za/books/my-e-colouring-book-june/
Nee dis darem by Naledi Books … dis haar 2e e-boek.
LikeLiked by 1 person
So druk mens dit dan self? Of kleur jy op reader in?
LikeLiked by 1 person
Ek dink jy druk dit uit. Aan die ander kant is daar inkleurprogramme maar dit is nie so lekker soos self inkleur nie Ek het al drie haar boeke en nog drie ander ook en draai by elke rak wat potlode of penne het.
LikeLike
Ek was nooit goeie inkleurder nie.
LikeLiked by 1 person
Dis juis die lekkerte … dis net jy die prente en die potlode/penne
LikeLike
Eers die inkleur strorie: Ek het ook twee inkleurboeke gekoop. Netsoos jy is ek n haastige inkleurder. Ek het ook nie baie tyd om stil te sit en inkleur nie. Dis egter baie lekker. Hier is n adres wat jy kan gebruik om gratis prente af te laai en dan print jy dit en kleur in! Hul noem dit samplers. http://www.doverpublications.com/signupsampler
Eenkeer per week stuur hul n klompie wat jy kan aflaai.
LikeLiked by 1 person
Dankie. Ek sal bietjie loer.
LikeLiked by 1 person
Selfbublikasie & e-boek. Ek het reeds by smashwords aangesluit en hul is rerig oulik. Ek is besig om inligting te versamel om e-boek te publiseer. Op oomblik bestudeer ek “Publishing E-Books for Dummies”. Ek wil my fiksie stukkies in n e-boek sit op die einde. Ek het reeds 61 stukkies geskryf vandat ek begin het. Almal is nie ewe goed nie maar ek sal dit uitsorteer en selfs verander en aanpas. Gaan beslis die e-boek wat jy hier het ook aflaai.
LikeLike
Waar kry mens die boek waarvan jy praat?
LikeLike
Hom op oomblik by bib uitgeneem. Mens sal hom by enige boek “winkel” kan kry.
LikeLike
Kan jy dit aanbeveel?
LikeLike
Beslis ja. Ek het op Amazone gekyk en hul het die selfs vir kindles ook. Sal seker as ek klaar die boek deurgegaan het maar vir my een koop. Ek maak sommer in die verbygaan aantekeninge wat ek later gaan opvolg op die net. Beplan jy om n e-boek saam te stel?
LikeLike
Ek dink mos aan ‘n Banting boerekos boek. Kos met gewine bestanddele. Maar ek haak vas. Moet dit bv A 4 wees of kan dit A 5 wees? Wat is die formaat wat mens moet gebruik?
LikeLike
Jy skryf dit gewoon in you formaat wat jy maar jou skryfwerk die(Word of Docs) dan moet jy dit verander na die formaat wat die verkoper aanbeveel. Dis dieselfde met jou fotos of tekeninge. Dit doen mens eers as jy klaar geskryf en ge redigeer het- dan besluit jy verder mbv Smashwords . Hul beveel ook bv aan om Paint.Net te gebruik om jou omslag te ontwerp. Dokumente kan deur http://calibre-ebook.com/download na HTML files verander word.
LikeLiked by 1 person
Nou lees ek op die internet wat ek eintlik self weet: Resepteboeke is LEKKERDER in die hand, in boekvorm, nie in E-vorm nie… So… baie water sal nog eers in die see moet loop.
LikeLike
Beslis. Ek het n spesiale staander waarin ek die boek sit sodat dit nie tussen al die bestandele is en vuil word nie. Die gebruikte bladsy is netso lekker om elke keer by oop te slaan as mens begin soek vir n resep. Huisgenoot se resepte boeke is my handleiding!
LikeLike