Ek glo natuurlik dat die mayonnaise wat jy gebruik, die sukses van die aartappelslaai bepaal. As jy goeie en lekker mayonnaise gebruik, hoef jy dit nie op te kikker met allerhande goedjies nie. Ek verkies Cross & Blackwell.
My standaard aartappelslaai wat ek maak, soos my ma gemaak het, lyk so:
Kook aartappels tot sag in hulle skil. Kook terselfdertyd sommer 4 of 6 eiers ook. (Almal word nie noodwendig in die slaai gebruik nie, maar daar is altyd ‘n kind wat lus het vir ‘n gekookte eier. 🙂 )
Wanneer die aartappels koud geword het, skil jy dit af en sny in blokke (oppas vir te klein).
Gooi daarby:
Sout, of Aromat; gerasperde kaas, blokkies ham, ‘n gurkin sal ook lekker wees, selfs ‘n ui as jy wil, die gekookte eiers in stukkies gesny. Hou so een eier oor om bo-oor te rasper vir versiering, ‘n bietjie blatjang.
Gooi ruim mayonnaise oor. Rasper eier oor.
Julle weet mos dat ‘n mens nie te rof roer in aartappelslaai nie, om die blokkies mooi heel te hou? Die ander geheim is dat jy met die agterkant van die lepel roer, dan bly dit mooi heel. Onthou, hoor!
Groete
Toorts
Beslis nie vir Banting geskik nie. 😦
Ook nie vir verslankers nie.
Loer by Pinterest vir my ander inmaak resepte
toortsie.com 
Stem saam dat as jou mayonnaise lekker is proe dit sommer reg. Cross & Blackwell is vir my ook lekkerste.
LikeLike
Kry mens Crosse en Blackwell on NZ?
LikeLike
klink lekker en ek is seker jy het eers geproe!
LikeLike
So ‘n teelepelvol. 🙂
Dis al so drie weke terug gemaak, en daar is net een pot oor! Dis so ‘n lekker saamgee met die manne pot. Daar is nog ‘n paar aartappels oor in die sak, ek dink ek moet dit ook maar gou maak.
LikeLiked by 1 person
Jou resep klink heerlik!Gelukkig Banting ek nie.. 😆
LikeLiked by 1 person
😉
LikeLike
Aartappelslaai is mos altyd ‘n wenner. 🙂
LikeLiked by 1 person
Ooooo, maar jy’s fluks! Ek bewonder mense wat groente en vrugte inlê, ek dink dis baie harde werk!
LikeLike
Nee! Dis juis luiheid! Een keer se werk dan is dit klaar vir ‘n paar keer. 🙂 Niks meer werk as om dit normaalweg te maak nie maar as ons skielik mense kry en braai is die kos sommer reg.
LikeLike
dankie dat jy by my kom lees, ek het gedink jy is kwaad omdat ek dink en sê banting is breinloos.
Kerriepoeier by aartappelsaai is my geheime ‘ingredient’
🙂
LikeLike
Elkeen het mos maar die reg op sy eie opinie. Nee ek is nie kwaad nie, ek is wel skrikkerig vir veralgemening.
LikeLike
Onthou net my opinie van banting is gebasseer op navorsing…..😊
LikeLike
Myne ook. Moenie worrie nie! 🙂
LikeLike
Ek word nie SOMMER kwaad nie, maar wel. Blogging is vir my ‘n lekker plek, en het genoeg strooi, soos almal maar, in my eie lewe. In blogland kuier ek net lekker.
LikeLike
Ek het hele tyd gewonder WAAR is die kondensmelk in die mayonnaise? Toe sien ek die tweede resep het kondensmelk in 🙂
LikeLike
Ek gebruik nooit kondensmelk in my vars aartappelslaai nie. En ek het nou al’n 2e keer dot met Idealmelk gemaak. Minder soet.
LikeLike
Ek het gewonder oor die Banting geskiktheid! 🤣🤣
Ons bly maar weg!
Mooi bly daar onder! Lekker nuwe jaar!😊🥂😊
LikeLiked by 1 person
Aartappelslaai is beslis nie Banting-geskik nie, tensy jy dit van blomkool maak! 🤣 Of van rape. 🤨
LikeLiked by 1 person
Pasop vir daai “r” word… netnou dink WP se PC polisie jy praat van lelike dinge!! 😁😁
LikeLike
Oee maar ek het dit nou vir die eerste keer ontdek. Met bacon en uie en kaas en suurroom. Sjoe! Vingerleklekker aartappelgereg sonder die aartappels.
LikeLiked by 1 person
Dit klink vrek lekker!! Ek dink jy moet vir ons ‘n Raapslaai storietjie doen vir ons nuwe tydskrif!! Mooi aseblief!! Baie dankie!!
LikeLike
Nie raapslaai. Jy kook die raap. Braai spek en uie. Gooi in lae. Kaas en suurroom oor. Bak in oond.
LikeLiked by 1 person
Klink na ‘n bek vol lekker!! Dankie!!😁👍
LikeLiked by 1 person