Toortsie se blog oor kleur wat verradelik kan wees, het my aan gister se stryery oor die kleur van hierdie rok laat dink.
My sus se dogter het die foto aan my gestuur en gevra watse kleur is die rok. “Blou en swart” antwoord ek, maar nee, volgens haar het sy op dieselfde foon, onder dieselfde lig die foto aan die personeel in die stafkamer gewys; party sien dit as blou en swart, ander as wit en bruin.
Natuurlik moes ek dit toe op my kinders uittoets, met die gevolg dat dit op ‘n hewige stryery uitloop. My skoondogter in Shelly Beach wil weet as die rok wit en bruin is watse kleur is die agtergrond dan. So hou elkeen voet by stuk, en niemand wil kopgee nie.
Uiteindelik keer ek terug voëlnes toe. Met dié dat ek my foon wil toemaak val my oog weer op die foto, en sowaar ‘n rok wat tot ‘n paar minute gelede nog blou en swart was is meteens wit en bruin.
Hehehe. Ja, soms kom kleure nie duidelik deur op kameras. Wat vir my interessant is, is dat die dame se halskleur en die strepe op die rok dieselfde pienk? meot wees dan?
LikeLike
Spokie waar sien jy pienk??? Die ding met die foto is is dat ons op hierdie erf almal op dieselfde foon, onder dieselfde lig na die foto gekyk het. My twee dogters sien wit en bruin; ek donkerblou en swart, skoonseuns ook blou, en die kleinkinders wissel van silwer tot ligblou. As dit op verskillende fone was sou ek dit kon verstaan…. dit smokkel met my kop.
LikeLike
Hehehe. Nee, daars nie pienk nie, ek het maar aanvaar die die kleur van die rok dieselfde lyk as die model se hals-velkleur. Toe dog ek dit moet mos dan pienk wees. Dit is eerder wit en bruin.
LikeLike
En ek sien nogsteeds blou en swart 😦
LikeLiked by 1 person
Ek sien ook bruin en wit.
LikeLike
As ek dit nie gisteraand in bruin en wit gesien het nie, het ek sommer weer aan die stry gegaan 🙂 Vanoggend is die foto toe weer blou en swart.
LikeLike
Pure oë verblindery!
LikeLike
Stevie Wonder sê dis wit en goud. Ek vertrou hom
LikeLiked by 1 person
Daardie een tel nie!!!!
LikeLike
Is julle bewus daarvan dat hierdie foto die internet verlede week tot stilstand gebring het?
Dis nie oëverblindery nie, maar suiwer wetenskap (of biologie?) Ek het na ‘n praatjie op RSG geluister oor hierdie yslike stryery wat die rok veroorsaak het en verstaan nogal die verduideliking dat ons almal ‘n verskillende hoeveelheid resptore vir kleure in ons oë het. Die mense wat baie reseptore (hulle noem dit kegels) vir blou het, sien die rok as swart en blou. Die res van ons sien wit en goud, want ons het te min kegels om die blou te “registreer”.
Uit my gesin het 3 dit gesien as wit en goud en 1 as swart en blou. Dis baie interessant en bevestig hoe uniek ons almal en ons uitkyk (letterlik dus ook) op die lewe is.
LikeLike
Baie dankie dat jy vir my lig op die saak gewerp het!!!! Bly ons klomp was nie alleen in die gestryery betrokke nie. Ek meen…. ‘n mens sien mos wat jy sien, en dan sê ‘n ander ou vir jou dit is DEFENITIEF nie wat jy sien nie. 😯
Sommer so terloops… ek is bly ek het die rok vir daardie kort oomblik in wit en bruin ook gesien; dit is mooier as die blou en swart 🙂
LikeLike
EK sien wit en ‘n goudbruin.
LikeLike
Volgens Sonlig het ek dan meer kegels in my oë. 🙂
LikeLike
Bloues! 🙂
LikeLike
Ek doen net swart… en dis vir my te klein om te sien
Lekker naweek
LikeLike
Dankie. Lekker naweek vir jou ook 🙂
LikeLiked by 1 person
🙂
LikeLike
Mosterd na die maal. Wit en goud.
LikeLike
Wit en goud as jy nie genoeg kegels in jou oë het nie 🙄
LikeLike
Verlede Vrydag het een van die skoolseuns gevra dat ons na die prentjie kyk. Net een in die klas het wit en goud gesien, maar later so drie of vier in elke klas. Die oorspronklike rok is wel blou en swart. Dit was vir my moeilik om te verstaan hoe enigiemand dit as wit en goud kon sien, maar toe ek later die aand op my skootrekenaar kyk en net die boonste punt daarvan sien, kon ek verstaan. Dit het eintlik meer te doen met ons persepsies en hoe ons die agtergrond sien as fisiese verskille in ons oë. Dit is regtig fassinerend!
LikeLike
Dit is fassinerend maar ai ook frustrerend. Is dit nie maar soos die lewe ook is nie; ‘n mens sien ‘n saak op ‘n sekere manier, en probeer soos jy wil kan jy nie ‘n ander persoon kry om jou kant van saak in te sien nie.
LikeLike
Ek bly ook swart en blou sien, niks geen wit en goud/bruin nie
LikeLike
Hierdie rok sal ‘n wêreldoorlog tot gevolg kan hê. 😉
LikeLiked by 1 person
Wit en goud, dis wat ek sien. Nou dink jou net in as iemand daardie rok wil koop, na die winkel toe skakel en die verkoopsdame het geen idee van watter rok die beller praat nie! 😉
LikeLike
Praat jy nou van die blou en swart rok Sparkle? 😆 Sien al die verkoopsdame se gesig!!!
LikeLike
Waaaat! Jy bedoel daai rokkie kom in twee kleure, in daardie geval bestel ek sommer een van elk asb! 😉
LikeLiked by 1 person