Kobra, en ander speurverhale

Kyk, oor Deon Meyer voel ek so: Jy kan sommer net sy naam intik by Kalahari en ENIGE van sy boeke kies. Almal is uitstekend. Ek is seker julle almal sal saam met my stem.

“Kobra” het ek wel gekoop toe hy uitgekom het, al in 2013, dink ek, maar het eers in die afgelope vakansie daarby uitgekom om hom te lees. Wat ‘n plesier! Sjoe! Deon Meyer mag maar skryf. Ek dink dis die bobaas van speurverhale. Niks is voorspelbaar nie. My “speurbrein” het oortyd gewerk, en tog kon ek tot op die laaste bladsy nie die einde voorspel nie. Hy het die vermoë om die spanningslyn tot op die einde te behou. Dis ‘n klomp stories, elkeen sy eie, in mekaar verweef.

Nou gaan ek ‘n dom vraag vra: Het hy al weer ‘n nuwe boek geskryf? Het ek dit gemis?

Ek kan amper nie oor boeke skryf sonder om Chanette Paul se naam te noem nie. Syself skryf regtig goeie spanningsverhale. Ek het alreeds van Labirint geskryf. Haar boeke is goed nagevors en regtig ook ‘n plesier om te lees.

In “Raaiselspieël” moet die vermoorde Nils, ‘n skilder, se dogter sy biografie skryf. Hy, Nils, gee haar die opdrag vanuit die graf. Frieda, die dogter, het ‘n bonatuurlike gawe om bonatuurlike dinge te ervaar.’n Storie met baie geheime…

Nog steeds Chanette Paul. “Siende Blind”  
In ‘n baie kort tydjie verander ‘n bekende skrywer se lewe totaal. ‘n Klomp rampe tref haar. Dit begin toe haar man haar om ‘n egskeiding vra…

Ek is tans ook besig met Chanette Paul se “Gys Niemand Reeks“. Elkeen van die boeke is ‘n volwaardige speurverhaal op sy eie.

Die eerste boek in die reeks is “Springgety“.  ‘n Hoë krans, waar reeds vier kruise staan, eis nog ‘n lewe. Nog iemand wat dalk gespring het? Of gestamp is?

Nommer twee in die reeks is “Fortuin”.  Wat gaan aan by Paradyskloof, ‘n sogenaamde holistiese oord? Twee gaste het reeds gesterf, wie is die volgende? Wat is die motief? 

 

 

 

Groete, Toortsie

Loer gerus by Pinterest waar ek skakels gee na die boeke wat ek al aanbeveel het. Ek werk steeds aan die lys om dit volledig te maak.

Advertisements

About Toortsie

'n Flitsliggie wat oral inskyn, ook waar dit soms ongemaklik is... A Toortsie is a small flashlight, like a torch.
This entry was posted in Boeke en flieks. Bookmark the permalink.

15 Responses to Kobra, en ander speurverhale

  1. seegogga sê:

    Liewe Toorts lekker lees! Sooank jy nou net nie begin nagmerries kry van al d moorde ni!

    Liked by 1 person

  2. scrapydotwo sê:

    Het gisteraand Die Lanternswaaier begin lees(op my kindle!) Vanoggend dink ek toe juis aan Deon Meyer en sowaar daar praat jy oor hom. Ek is mal oor sy boeke. Ek is eerder n speurverhaal leser as liefdesverhaal. Dankie vir die Kobra naam

    Like

  3. dalenatjie sê:

    Hi Toorts, Deon Meyer se nuwe boek verskyn in maart volgens sy webtuiste. Ek is al so rasend lus vir ‘n nuwe boek van hom dat ek nie weet hoe ek dit het nie!

    Liked by 1 person

  4. ddupl3ss1s sê:

    Ek is ook ‘n Deon Meyer leser, wag ook in spanning vir die nuwe boek en aangesien dit my verjaarsdagmaand is as sy nuwe boek verskyn -mag ek dit maar kry vir my verjaarsdaggeskenk

    Like

  5. Ja, Deon Meyer is maar ‘n baasskrywer. Geniet jou boeke …

    Like

  6. Ek sal saamstem dat Deon Meyer ‘n knap skrywer is, maar ek is nie ‘n aanhanger nie. Ek hou oor die algemeen nie van sy karakters nie.

    Like

  7. Kameel sê:

    Kannie saampraat nie; is Engels wanneer dit by literatuur kom. Nee, eintlik is dit maar my liefde vir die ou skrywers en klassieke boeke.

    Liked by 1 person

  8. karen sê:

    Ek gaan nou maar saggies skaam-skaam fluister dat Kobra die eerste boek van Deon Meyer is wat ek gelees het. En net soos jy moet ek sê “Sjoe! Wat ‘n boek!” My verweer is dat ek meeste Afrikaanse boeke hier in die vreemde mis as my ma en skoonma nie vir my iets aanstuur nie.

    Like

  9. vvuureoc sê:

    Nou kan ek darem spog en sê dat ek Deon in sy kortverhaal ontdek het. As julle hom in die hande kan kry lees “BOTTERVISSE IN DIE JAM”

    Liked by 1 person

Gesels saam, asseblief!

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s