Vir jare al is ons lief om op ‘n Saterdagmiddag ‘n pizza te maak. Maar pizzabasis het meel in, en ek doen mos Banting… hoe nou gemaak?
My aangepaste resep van ‘n roomkaaspizza lyk só:
Kors:
250 g roomkaas
2 eiers
swart peper
knoffelpoeier
½ koppie gerasperde kaas. (Ek het sommer Gouda gebruik, maar Mozarella is seker die regte een)
Maak eers die roomkaas sag in jou menger en klits dan die eiers by. Geur met peper en knoffelpoeier.
Gooi die gerasperde kaas by en roer tot gemeng.
Oond 180ºC. Smeer oondvaste bak of spuit met Spray & Cook.
Gooi die mengsel in die bak en bak vir 17 minute.
Haal uit die oond en laat afkoel vir minstens 10 minute.
Smeer tamatiesous oor die kors.
Dan enige vulsel van jou keuse. Ek het ham, ‘n gurkin en ‘n piesang oorgegooi. (‘n Mens mag 1 piesang per dag eet, dis dan jou VOLLE koolhidraattoelating vir die dag. Ons was 2 wat geëet het, so dis maar ‘n halwe piesang op die ou end.)
Rasper kaas bo-oor. Gooi gemengde kruie oor.
Sit in oond tot die kaas gesmelt is.
Roomkaas is ‘n duur bestanddeel, ek dink ek gaan nou bietjie soek vir ‘n ander vulsel wat dalk met amandelmeel, wat ook maar duur is, gemaak word.
Al wat ek weet, dis regtig lekker. Dis ‘n sagte kors, nie soos dié wat jy in die winkel kry nie, maar dis ‘n heerlike gereg. As dit nie vir jou pizza is nie, moenie dit pizza noem nie. 😉 Noem dit roomkaas gereg.
Dit was net genoeg vir 2 mense.
Groetnis
Toortsie
Toortsie, Kameel en Bokbaaivygie se faceboekblad
Toortsie se Bantingboerekosboek faceboekblad.
toortsie.com 
Dit lyk en klink lekker. Omdat ek alleen bly doen ek nie so baie moeite nie maar hierdie klink regtig die moeite werd
LikeLiked by 1 person
Nogals nie baie moeite nie.
LikeLike
Njamm, dit klink heerlik. En vir ons wat koring-vry moet eet ook soos ‘n maklike pizza basis. Ek sal dit die vakansie bietjie moet uit toets 🙂
LikeLike
Dis maar net duurder as ‘n gewone pizza…
LikeLiked by 1 person
Lyk baie lekker Toortsie,maar ongelukkig vir my, lyk dit soos ‘n kandidaat vir ‘n hartaanval met al die kaas op.Ek hou van kaas ,maar kaas hou nie van my nie.
Groetnis.
LikeLike
Ai toggie.
LikeLike
Ryk en lekker!!!!
LikeLike
Netso. 🙂
LikeLiked by 1 person
Dit klink vir my manlief is dan ook op ‘n banting “dieet.” Vra hy nie waar is sy rys en aartappels nie?
LikeLike
Hy is maklik om kos te gee. Hy eet wat hy kry. Soms is daar bietjie stysel vir hom.
LikeLike
Dankie vir 11 mense wat dit op faceboek gepost het. Ek wens ek weet wie julle is!
LikeLike
Mmmm lyk lekker
LikeLike
Die lekker daarvan is dat jy dit kan opdollie soos jy wil. 🙂
LikeLiked by 1 person