Die ergste, heel ergste wat ons boere hier in die Overberg kan tref, is ‘n droë winter. Dit is angswekkend, senutergend, energie-stelend, moedeloosmakend. Dit hou ons op ons knieë. Droogte beteken nie kos vir die diere nie. Nie hierdie winter nie, maar ook nie volgende winter nie. Want die strooi en bale wat hierdie jaar gemaak moet word vir volgende jaar is nie daar nie. Die jaar ná die droogte is baie keer nog erger as die jaar van die droogte. Want WAAR koop jy kos? Niemand het ekstra nie.
Daarom, al is dit koud en nat en nie altyd lekker om buite in die koue te wees nie, beteken ‘n nat en koue winter vir ons net vreugde en seën, geskenk van God!
Behalwe natuurlik die kaggelvuur, sop, pannekoek, breiwerk, sjerrie, beteken ‘n nat winter ook…
Groen weivelde , nat paaie, pragtige graan, aalwyne…
Terloops, die graanland op die foto hierbo is die een wat geplant was op 2 Mei 2012.
Genadiglik hoef ek nie in die koue uit te gaan nie, maar ek hou van die winter. Ek kan verstaan dat diegene wat heeldag in die koue moet werk, dit dalk nie so baie geniet nie.
Nie Bibberende Toorts
toortsie.com 
Ek LIEF die winter hier!
LikeLike
Ek ook.
daar het nog een foto’tjie bygekom.
LikeLike
Ek mis die koue en die groen, die ruik van reen en bibber 🙂
LikeLike
Ons bibber behoorlik!!!
LikeLike
Die winter is ons mooiste tyd. Daardie groen lande is so pragtig!
LikeLike
Ek is so bly vir julle oor die reën!!! Winter hier bo lyk nie soos op jou fotos nie 😦
LikeLike
Julle het weer mooi somers!!
LikeLike
Die Kaap is vir my te pragtig hoe jy haar ookal bekyk.
LikeLike
Ek moes op die oomblik aan die skei gewees het of reeds klaar geskei gewees het Maar God het hierdie blog na my foontjie gestuur Hy se elke dag hou vas en glo Hy se van oggend vir my as Ek vir jou is wie kan teen jou wees Hy se Sondag na Sondag vandat ek in die vuur beland het niks is onmoontlik vir Hom nie maar ek moet vertrou(soms vergeet ek en neem die histerie van daardie eerste nag weer oor)maar solank ek vertrou is daar geen vrees
LikeLike
Dit is soos jy jou minute en dae, en maande, en jare in die vuur deurbring…. jou oë gerig op Jesus, wat vir jou sê die vuur sal jou nie skroei nie. So maklik om te sê, so moeilik om uit te leef.
LikeLike
Dankie Annalie. Mag hierdie blog altyd tot eer van God wees, mense help, en nooit geestelik hoogmoedig word nie. Dan het hierdie blog betekenis.
LikeLike
sjoe, mooi lyk dit by julle toortsie. bly vir julle, en die plante en die diere 🙂 het vanoggend in die koerant ‘n foto gesien van ‘n boer wat vir sy beeste hooi aangery het op toegesneeude lande in die ooskaap. sjoe, dis darem maar winter daar!
LikeLike
Ek is so dankbaar vir die sneeu en die reën want dit beteken kos vir die diere
LikeLike