Deurmekaar gedagtes

Hier’s so ‘n klompie goedjies wat in my kop ronddraai en nie een is ‘n hele post werd nie. Soos oor tag. Ek kom agter as jy net die persoon se blog-adres tag, hy/sy nie in kennis gestel word deur WP nie. Dis beter om eerder een van die skrywes te tag. En by ‘n tagspeletjie dink ek nogals dis goed om elke keer die “uitdinker” van die speletjie ook te tag, sodat sy sien hoe haar speletjie sy loop neem. Weet nie hoe om te tag nie? Kliek hier.

Van “tag”-speletjies. Die een wat nou die rondte doen is Seegogga se idioomspeletjie. Die idioom-stories wat geskryf word is net fantasties! Ek wonder of Seegogga gaan omgee as jy hieroor skryf, selfs al is jy nog nie getag nie? Dis so ‘n oulike onderwerp!

Ek wonder sommer of trolle weet wat woordstoters met ‘n trol doen?

Dis nogals anders om ‘n skryfmaat op jou blog te hê. Anders, maar HEERLIK! Skielik is hier beweging op my blog, maar tog is baie druk van my skouers af. Want hier is iemand wat help saamgesels, skryf, antwoord. … 🙂 En natuurlik is dit vir my ook ‘n inspirasie om nie net voort te tjommel nie…

Die idioomspeletjie het my laat dink aan afrikaanse woorde wat ons voorheen geken het en wat in onbruik verval het. So ‘n woord is vaneffe. Teenoor netnou. In ons ouerhuis is die woord vaneffe gebruik om iets te beskryf wat ‘n kort rukkie gelede gebeur het. Hy was vaneffe nog hier. T0e kom ek in die dorp se skool en almal gebruik netnou. Netnou beteken dit wat nog binnekort moet gebeur. Ek sal dit netnou doen. Wel…. ek praat ook nou van netnou, of dit verlede tyd is of toekomstige tyd. Vaneffe is saam met die badwater weg. Is daar ‘n woord waaraan jy kan dink wat glad nie meer gebruik word nie? Maak dit ‘n tag-speletjie of skryf sommer net in die kommentaar hieroor.

Groete, Toortsie

Advertisements

3 thoughts on “Deurmekaar gedagtes

  1. Ons kinders het definitief nie van die woord “van ouds” geweet nie. So sit ons sestienjarige seun eendag in geselskap, waar my man vir die gesin bid. In gebed se hy “soos Dawid van ouds……” Klaar gebid wil my seun weet wie is Dawid van Ouds? Dawid van die bybel, antwoord ek… hy bly verdwaas stil, en se dan “Hulle het nie vanne in die bybel gehad nie.”
    Die woord is dus van ouds, of toendertyd. 😆

    Like

  2. ewenwel. Ek hoor my pa eintlik sy stories vertel , en hierdie woord gebruik wat iets beteken soos, nouja, of in elk geval, bv.Ek het jou mos vertel van die visvangs by hamerkop toe Piet by was. Evenwel, ons vang nog so vis, toe hoor ons skielik’n gil. Ek het daarmee grootgeword, maar my kinders sal dit nie gebruik nie. Ek dink hoe meer idioomstories ons kry, hoe lekkerder! Alamal kan speel, of hulle getag is of nie. Waar is Leon? Hy is baie stil deesdae!

    Like

Gesels saam, asseblief!

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google photo

Jy lewer kommentaar met jou rekening by Google. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s